إجت على بالي نكته إنو مرة جرادة عندها عمى الوان أكلت الأخضر و اليابس...عارف مش حلوة بس أكيد إنو الجرادة هادي من غزة...إنشالله و الجميع بخير و سلامة بكرة رمضان و هون بتبدأ ظاهرة "الفجعة" كأنو الأكل برمضان رح يخلص أو إنو ممكن إنو تكون ميت قبل الأدان...اليوم بتصير الخطط و و التختيطات إنو كيف ممكن تحشي بطنك بأكبر كمية من الأكل...يعني يوم سعد على محلات الأكل من الفلافل للشورما مرورا بالكنافة و غيرو و غيراتو....مش قصتنا...غزة الها أكم من أسبوع و هي منيلة بستين نيلة فمش مهم الفجعة...بس الغريب بالموضوع إجتهاد كتير من الدول على إنو يقطعو التموين و البضايع على غزة في الشهر الفضيل...ثقافة الأنفاق صارت إشي عادي...مش حرام و لا ممنوع مع إنو النظرية هادي بتتغير مع مزاجات الجهات اللي بتستفيد من النقطة هادي...برضو مش موضوعنا !!

الموضوع يا جماعة هو حملة وطنية في الضغة الغربية و غزة (معقول التنين مع بعض؟!) عشان يلاقو بديل عن البديل للأمر الطبيعي...بما إنو إستيراد صار حرام...قرحنا للأنفاق اللي قلبت ممنوعة فرجعنا للأصل اللي هو المنجات الوطنية...فصرت تمشي بالشارع و تلاقي يافطات تمهل و أعط حق الأولية للإنتاج الوطني...بتصف و بتفكر...أي إنتاج وطني...؟!