فكرت
كتير و قليل انو اكتب الموضوع هادا ولا لأ...
بس بالأخير ما بهمني كتير مين ممكن يقرأ الموضوع هادا...طول ما انا حاسس
بالبحكيه...
حاخد جملة طول عمري حبيتها و حسيت إنو لازم بيوم استخدمها:
"
إنها تفريغ لمواقف كثيرة..لأشخاص رأيتهم...
و عرفتهم...أو ربما لا أعرفهم..
و إن رأيك عزيزي القارئ هزه السطور – إنني لا أتميز بسخريتي المعتادة..أو أن ضغط
دم ضحكاتي منخفض قليلا..
فعزري أنني أنقل حقيقة كما هي...
بها من البكاء ما هو أكثر من الضحك..
و بها من الضحك أكثر قليلا من النواح.."
السياسي:
طول عمرو موجود بألوانو و أشكاله المختلفة بغزة...دايما بحسو معتوه أو على أقل
تقدير...مخدوع..
اللي صار بغزة بالفترة الطويلة اللي فاتت خلت جيل كامل ما يقدر يفرق ما بين الدين
و السياسة...كأنهم أشياء بعيدة كل البعد عن بعض... فعندو خيار من تنين يا إما تكون
تابع لحزب أو تابع لدين...ما بنفع التنين...
بضل يحكي عن حالو...انا ابن تنظيم فلان...لو سألتو بالسياسة رح يحكيلك انا ابن
التنظيم فلان...في الإقتصاد عنا بالتنظيم بصير ك>ا...
فالرياضة برضو ابن التنظيم فلان....فالطبيخ برضو نفس الإجابة...و رح يبين عيوب كل
إشي مختلف عن وجهة نظرو...لحد حدود ما كان فيه مجال تكسرها لكن بالزمن هادا و
لحظنا الزبالة إنو وصل لغاية دين ما حد بقدر يحكي عنو كلمة وحدة لأنو دين حق
خالص...
بتيجي تناقشو بعقل و منطق عن تنظيمة –بخلاف نوعو- بقعد يلف و يدور و ممكن يكفرك
تنظيميا...بس اللي لاحظتو بكل نقاشاتو...دايما عندو ضمير الغائب
موجود...ماضي...تاريخ قديم...بتحاول تفهم ازا اعتبر من هادا التاريخ..بصير يصرخ و
يخبط و يسب و يلعن..لدرجة إنو كل مرة بقتنع اكتر و اكتر إنو شباب كتير بعتنقو أي
إشي...بس عشان يعتنقو أي إشي و إنو لو كان فيه إشي أسوأ من الجهل فهو العناد !!!!!
التافه / الغائب:
لحد هلأ مش قادر احدد
اهتماماتو...بالأغلب ممكن تلاقيه بمكان هون ولا هون...بلعب شدة و ماسك أرجيله...
الحياه عندو واقفه...هو بحكي إنو الدنيا مش معطياه فرصتو إنو يلاقي نفسو...بس ما
بتحس إنو بيعطي أي إضافة للفرص اللي عندو...مع إنو بطرق كتيرة أحسن من غيرو...
بفتح الموبايل بتاعو عشان يحكي...و بحكي...عن أي إشي بدون أي فايدة...
لازم أحكي إنو كتير من المرات بكون شخص محبوب...بس بالنهاية بضل ولا إشي...
كتير كتير بكون موجود حواليك بس ما بتقدر تلاحظو عشان أول عن أخير هو مش قادر يحدد
موقعو من الدنيا...أحيانا و بقعدات بكون الدليل الوحيد على وجودو هو صوت الأرجيلة...و
لما يغيب...ما أظن إنو بكون فيه حد ملاحظ !!
الطموح:
من أكتر الشخصيات اللي بعزها و بحترمها...قليل لما تلاقيها الصراحة...بس دايما
بتقدر تلاحظ إبتسامتو...صادقة بدون أي مانع..بتحببك فيه بدون أي تملق...
أحيانا كتير ما بقدر أفهم أحلامو و ألاقيلها منطق...خريج كليه تجارة بس حلمو يكون
إشي تاني...مش عارف إيش الموانع قدامو...يمكن كسل و يمكن بدو يمشي طريق مش عارف
بدايتو...بس بتحب و بتحترم إنو بمشي بمشي و بضل يتخبط لغاية ما يعرف و يلاقي
الطريق هادا...و غالبا بوصل...أو بستنى إنو الله يحققلو حلمو...زينا كلنا !!
الكريه:
ما بهمني عرفتو وين و
بأي مكان...بس الأكيد إنو خلاصة الشخص هادا إنو مقيت !
بتحسو كل إشي مش هو...لسة ما عمل حاجة بحياتو و بحسسك إنو موحد القطرين...بتظاهر
إنو صاحبك و هو أول واحد بشل منظرك...برتعب من أي إشي بتعلق فيه و بحس إنو كل إشي
ضدو...و دايما عندو الشعور الغريب إنو يتودد للكل و يكسب تعاطفهم..أحيانا بطرق
بستحي الكلب المقعد يعملها...و دايما بتحسو عايش بمشهد من فلم –تمثيل- بتهاوى كلو
بس لما تعمل أي حركة مش مخططلها !!
بحسو دايما..أسود..أسود..أسود....اللي بحزن إنو كتير من الناس صارت تحب اللون هادا
!!
الشاب :
إجاني و عندو نظرة قلق...قعد قدامي...و سألني....شريف هو الشيعي زي الشيوعي
؟!!
أبو الشريف : " أنا زمان ما قرأت اشي بيوجع ، وكلامك كلو وجع عشان كلو صح ، بس مش عارفة ايمتا راح يجي الوقت و يتغير ، قولتك لما نموت ؟