بتعرفو...بدون ما احكي كتير...انا من زمان كنت بدي ارجع اكتب...بس من بعد الحرب و من بعد الشغل و من بعد كتير أشياء بطل فيه لازمة نكتبها و نحكي عنها...ليش مش عارف..بحسها صارت مكررة..يعني حتى التجارب الجديدة صار الواحد حاسس انو شافها بطريقة ما...يمكن علامات انو الواحد كبر ؟
مهو ازا هيك بحسو اللي كبرو فيروحو ينتحروا أحسن...بدل البلادة الحياتية هادي...ولا يمكن الشغلة مش بالسن إنما كيف عشت عمرك ولا يمكن مع مين ولا الأشياء اللي عشتها...برضو بترجع لنفس النقطة...بس اللي بخليني أحكي الكلام هادا هو كلام كنت حكيتو قبل هيك...إنو لما الكبار بالسن يقعدو يحكو زكرياتهم...سيبهم...عشان عاشو الماضي اللي كان حاضرهم...و هلأ مش كتير قادرين يبرتبطو بحاضرهم فبضلهم يحكو عن ماضيهم...زي المعادلة العكسية...و احنا شباب بكون المستقبل بضوي قدامنا...و كل ما بنكبر بصير النور هادا يخف...لغاية ما نكبر بالسن عشان نلاقي إنو ماضينا هو المنور و الباقي...مالوش أثر...طيب هادا كبار بالسن...بس لما تكون بالسن هادا و هيك شعورك...فأكيد فيه مشكلة...و المشكلة إنو مش بس أنا...كتير مني عايشين بغزة الأيام هادي...!
مستغرب...كيف البطاطا قلبت فلسفية... و حتضل هيك بتهيألي طول ما هيك الشعور...بس الحمدلله انها موجودة الواحد يرمي فيها اللي بفكر فيه...بدون ما حد يحكم عليه...عشان هلأ بغزة حتى لو عطست حتلاقي حد بسأل و بشكك بلازمة العطسة هادي...و هل الها مبررات و لا هي عمل عدائي يجب التعامل معو...بضل الشك هو سيد الموقف بغزة...أكيد بدون إشي أكيد !
من الأردن