الاثنين, 23 فبراير, 2009
مع مين جاي ؟

أفهم يعني...
مش إنو عاطلين ولا عندهم مرض أو إشي....بس إيشمعنى دايما الناس بتفكرني مصري ؟
هلأ يعني إسم شريف صار حكر على مصر...ولا إيش النظام ؟
هديك المرة واحد أول مرة أقعد معاه...بحكيلي خود راحتك...أنا بفهمك !!
أكيد انا ضربت لخمة و قلت إيش مالو هادا....و أجملت قلقي بـ نعم ؟؟
قال مش لازم تتكلف و تحاول تحكي زينا...إحكي مصري عادي...بفهم !!
أكيد ممكن إدراج اللحظة هادي من أكتر اللحظات إحراجا في حياتي...على أساس ما بعرف أحكي عربي فلسطيني...بس سؤال طرح حالو دايما....عمري ما عرفت لهجتي بتتبع أي قاموس عربي...
يعني بستعمل الألف عن القاف بس مش زي أهل غزة اللي بستعملو الجيم المصرية عن القاف !!
و أي نعم لازمني كتير عشان أخد الISO الغزاوي اللي بتطلب تاكل سندويش فلفل و تاكل بزر بدون إستخدام الأيدي و النخع الطويل ( لا يقبل أقل من 2 متر ) !!
بس برضو صعب إنو أتحسب على اللهجة المصرية على أساس إنو عمري ما دخلت مصر أصلا...
أكيد مش بلاد الشام كمان...
و  جدودي ما كانو أتراك ( أدب سيس أخلاق يوك )...
يعني بضل دايما فيه خلاف على اللهجة بتاعتي...
و الأصعب إنو لما تحاول تحكي بطريقة مش الك...ساعتها ما بتكون لا إنتا ولا غيرك...
ففش اللا الواحد يستنى يوم ما ترجع البلاد عشان يحل مشكلة الإنفصام اللغوي اللي عندي...بس منا يكون زي هيك:

شريف برن الجرس في إحدى المدن الفلسطينية بعد التحرير الشامل الكامل
شريف : مرحبا..
الحد التاني : هلا نعم...
شريف : ممكن تحكي شوي عشان أشوف ازا لهجتي زيك ؟
الحد التاني : *)&*)^&*^*&^*&%%$^^)*&
شريف : اووووكي...واضح انو مش من المدينة هادي
أضافها Abu el Sharif, في كلام فاضي في 11:41 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(12) تعليقات


أضف تعليقا

اضيف في 24 فبراير, 2009 10:41 ص , من قبل whisper
من الأردن said:

هههههههههههه
عندك طريقه بالكتابه بتجذب الشخص كتير

"يعني بضل دايما فيه خلاف على اللهجة بتاعتي..."
بتاعتي هاي من مصر الكلمه
اهل غزه عموما في كم كلمه بحكوها مصري بحكم القرب من مصر
زي بالاردن اللي قريبين من الحدود السوريه بحكو عسوري

اضيف في 24 فبراير, 2009 05:37 م , من قبل vagueraz1
من الأردن said:

لوووول ,,,
كيفك شريفو ,,,
إن شاء الله كل أمورك تكون تمام ,,,

بتاعتي هاي كلمة مصرية ,, لووول

اضيف في 24 فبراير, 2009 09:12 م , من قبل hamede
من الولايات المتحدة said:

ممكن لأنك بتشبة جورج سيدهم إذا مش مصدق إسأل عبد حمدان، صحيح وينو عبد

اضيف في 25 فبراير, 2009 02:13 م , من قبل sharifo
من فلسطين said:

بالظبط...
انا حتى مش عارف...
بس يمكن عشان كنت عايش بأمريكا الجنوبية بضرب اللهجة على عربي مأسبن !!



الحمدلله انا منيح...
إنتي كيفك ؟
زعليطة كمان كلمة مصرية


قول هيك من الأول...
هلأ بدي أسأل عبد حمدان على أساس إنو هو المرجعية اللي عندا مصدقية...
و ماشي انا ما شفتك عشان هيك مش عارف احدد انتا شبه مين بس سروالك ملون !!















اضيف في 25 فبراير, 2009 04:09 م , من قبل Noura
من الولايات المتحدة said:

ازيك يا سي شريف ؟؟
طيب خلص احكي لبناني وبالتحديد بيروتي !!

اضيف في 25 فبراير, 2009 06:53 م , من قبل hamede
من الولايات المتحدة said:

تعال عندي على المدونة وا شوف صورتي أكيد أحلى منك

اضيف في 25 فبراير, 2009 10:13 م , من قبل Abed Hamdan
من الكويت said:

Hamede:

شوف انا برضوا كنت أفكر انو شريفو مصري لانو بشبه الممثلة هياثم

http://img201.imageshack.us/img201/7907/melodyaflam353012034h27ku4.jpg

اضيف في 25 فبراير, 2009 10:18 م , من قبل Abed Hamdan
من الكويت said:

http://img201.imageshack.us/img201/7907/melodyaflam353012034h27ku4.jpg

اضيف في 25 فبراير, 2009 10:19 م , من قبل eman
من فلسطين said:

ليش حميدي وعبد بفكروا بنفس الطريقة يا ترى؟

اضيف في 25 فبراير, 2009 10:36 م , من قبل sharifo
من فلسطين said:

Noura
وك اييه خيتي...
انا عن بدييي إحكيييي ليبنايني...
بس اعرف احكي عربي عادي !!

Hameede
طول ما انتا بالسروال...انا ما بقدر أحكي...
فاتن انتا يا حميدي !!

Abed
ههههههههههههههههههههههه هياثم !!
فخور فيك عشان كل مرة بتقدر تثبت..غنو فيه مساحة الواحد يكون فيه أرزل و أصفق !!

بس مزة هياثم...كأنو إمها كانت متوحمة على تمساح عندو شلل أطفال و عشى ليلي !!

Eman
أنا بقدر أحكي إنو فيه حالة إنفصام...
بس بدعي ربنا بكل صدق إنو يكون عبد مفصوم على حميدي...مش العكس !!



اضيف في 02 مارس, 2009 05:12 م , من قبل Noura
من الولايات المتحدة said:

Sharif , kan fee post "the cake is a lie" w ekhtafa, wein ra7 ?? I just saw at my google reader.

اضيف في 03 مارس, 2009 01:43 م , من قبل sharifo
من فلسطين said:

Noura
Yeea...aslo ndemet ino 7a6eto...we makanesh elo da3e.. !!



أضف تعليقا

<<الصفحة الرئيسية