إنجازات شتوية - أحزان شجر البطاطا

بما إني قاعد لا شغلة و لا عملة بالمكتب و حكيت إنو بدي أصير أكتب أكتر بالبطاطا بتاعتي عشان بدي أكتب و مش عشان بدي حد يقرألي مع إنو جميل الواحد يحس إنو فيه حد معبرو !!
المهم قرب الشتا يخلص و الواحد بدأ يحضر للصيف اللي على فكرة ما بحبو...
و من إنجازات الفترة الشتوية على خلاف الحرب اللي لا جابت و لا ودة إنما كثفت النشاط المنزلي لما الكهربا تيجي!

على نطاق تضييع الوقت الممنهج...
خلصت مجموعة من الألعاب و يمكن اأفضل منها كان Grand theft auto VI كان ممتاز الشعور إنو اللي بصير فينا أيام الحرب ممكن تعملو على الكمبيوتر...مريض كفاية بس بعمل على التفريغ الإنفعالي !!

و فيه كمان Prince Of Persia الجديدة، اللعبة ممتازة بس نهايتها بتنكد على الواحد مع إنها منطقية...It’s never your choice !

و أخيرا Mirror’s Edge إستنيت اللعبة هادي فترة طويلة كفاية و ممكن أحكي إنها جديدة كليا على الألعاب التانية...الله يبارك في أعمال القرصة اللي بتجيب الأفلام و الألعاب طازة...و الله يحرق حقوق الطبع بس مش لازم نقلق عشان لسة حقوق الطبع مش شغالة في غزة !!

على نطاق الأفلام مش قادر أتزكر أفلام أثرت علي أ إنها من الأفلام اللي بتستحق إنو الواحد يتزكرها غير فلم Binicio del Toro- CHE el Argentino الفلم كان تحفة فنية و الممثل تحفة و المخرج تحفة و المشاهد تحفة و كلشي فيه أتحف من اللي قبلو....