مدخل البوست هادا مش عارف أوصلو ( كأنك دايما مش عارف وين الله حاطك ؟! ) فيه تلت أشياء بدي أحكي عنهم أولها إنو اليوم كان اخر امتحان اقدموا بالجامعة الإسلامية، يعني نظريا انا تخرجت يا جماعة !!
المستقبل...أغرب شعور ممكن الواحد يشعر فيه، الحاجة انك تعرف ايش بدو يصير، ممكن يخرب عليك يومك، حتى لو انو الخيارات الموجودة بغزة بتنعد على اصابع الاصبع الواحد...بس برضو ترقب المستقبل منهك يا جماعة !
و من باب الاحتياط بدي احكي :
“Yesterday is History, Tomorrow is Mystery, and today is a gift, that’s why it’s called the Present”
Kong-Fu Panda ...يادل خيبة!
المهم في حديث اخر...
أحيانا الظروف بتحطك باماكن انت مضطر انك تروحلها و من هادي الظروف إنو رحنا نشوف فلان في احد مستشفيات غزتنا السعيدة...
انا خبرتي بالمستشفيات ضعيفة عشان ما كنت دكتور او الحمدلله مريض كفاية انو اروح عليها...بس اي عقل بتبع الحد الادنى من المنطق ممكن يتخيل اللي ممكن تشوفو هناك...
قسم الامراض السراطانية (الله يجيرنا) جنب قسم امراض نقص المناعة...و اللي جنبو على طول قسم...إحم....الأمراض الرئوية...يعني بتهيألي لو واحد كح و لا عطس بجيب أجل نص القسم ؟!
زي مابحكيلكو انا ما بعرف كفاية انو احكي على الاشي هادا....بس بكل وقاحة ممكن احكي انو منظر البواب اللي قاعد قدام باب الامراض السرطانية و معلي موبايلو على "كتاب حياتي يا عين...مالقتش زيو كتاب الفرح فيه سطرين و الباقي كلو عذاب" ما اظن بتاتا انو بيعطي المرضى دفعى بالاتجاه الصحيح !!

على الأرض بدون سابق انذار...عشان يعمل جدارية حتى سلفادور دالي رح يطلع فيها باستغراب !
و على سيرت الجداريات...واحنا بنمشي بالمستشفى...لمحنا حيط مليان شهادات تقدير بكل المقاسات فرحت اتفرج اشوف الانجازات الطبية في غزة...جميل المنظر...أبناء المتوفي...عائلة المتوفي...إخوة المتوفي...اوكي...في اشي غلط هون..حكيت لصاحبي امسك السطر هادا و انا السطر هادا...شوف فيه حد مش متوفي ؟
كل شهدات الشكر الموجودة لناس متوفية...يعني افهم...على ايش بتشكروا المستشفى...فش حد عاش يرد العين يعني...وواضح انو المستشفى مش فاهمين القصة و معلقينهم...!!

و الحلو ال20 شيكل الجديدة....معمولة من النايلون أو إشي زيو...اخيرا عرفو انو الورق ما بنفع...المرة هادي مع استعمالات عديدة...مثلا اذا انقطع الكلينكس معاك...فش مشاكل العملة الجديدة ممكن تستخدمها بكل الاتجاهات...و اذا حدا حكالك انو حرام تمسح بال20 شيكل..احكيلة انها قابلة للغسيل...و غير انو لما امسح فيها بكون نوع من المقاومة...مش كدة و النبي ؟!







said:
said:

said:
said:

said:

said:
من الكويت