أحزان شجر البطاطا - فليحيا العته العام !!

الجمعة, 30 مايو, 2008

زي دايما...

مش عارف من وين ابدا بس الأكيد إنو عارف عن ايش بدي أحكي...

أنا مش قادر أستطيع أقدر...يعني مش هيك...حرام ( عارف بإيش بتفكروا و مش حغير اسم المدونة لـ " أريد حلاً " )

الشغلة و ما فيها إنو جد نسيت اخر مرة عشت يوم طبيعي كإنسان طبيعي...

انا كرهان حالي إنو بكتب الكلام هادا...بس لازم تعرفو اللي بصير عشان يوم ما تشوفوني علجرايد عامل مصيبة ما حد يلومني ( لسة ما قررت ايش هي !!)

الموضة الجديدة بغزة إسمها العته الإجتماعي...14 سنة اللي بغزة عمري ما حسيت إنو تأقلمت...و هلأ ببوس ايدي شعر و دقن إنو فعلا عمري ما تأقلمت...يعني مش هيك التياسة...مش واحد ولا ننين...الشعب كلو يا جماعة خش بلحيط !!

الموقف الأول...الواحد بطلع عشان ياخد تكسي لأي مطرح....

يتبع...

المواقع الإباحية في الوقت الضايع !!

حركة جريئة من الحكومة...خصوصا إنو كل الشباب مش لاقيين يتجوزوا...موزع خدمة الإنترنت يحجب المواقع الخليعة و الإباحية...مش غلط....و لكن من مبدأ التيسير و عشان إجتناب الشبهات...شكلهم عملو بلوك على كل الإنترنت...الغوغل صار يفتح بدقيقة و نص...انا سايب جيران يفتح و طلعت و رجعت...قطعت الكهربا 18 – 19 مرة يعني حاول مرة أخرى...

و زي دايما العقول الخيرة تأتي بلحول النيرة...إنتشر برنامج بغير البروكسي لمش عارف وين...بعد يومين كل غزة صارت تستعمل البرنامج ( للتصفح العادي و مش للخبايص ) و اليوم نكتشف إنو لأ... كيف يصير الكلام هادا؟؟؟...جابو أجل البرنامج بس من باب لا نرحم ولا رحمة الله تنزل !!!

تكملة الموقف الأول...لسة بستنى سيارة تحن على شبابي...الشمس بتحمى..و كل السيارات بتحمل بنات بس !!

يتبع...

ميت زيت و أربعتعشر !!

بأزمة السيارات و المحروقات اللي بنعيشها بغزة...كل السيارات صارت تمشي على زيت القلي المعروف داخليا بلـ "سيرج" لما كانت أكم من سيارة كان الواحد يعلق بإستياء بس لما تصير كل السيارات فهي صارت مصيبة منيلة بالف و تلتمية تنين و عشرين نيلة...الواحد بتمر عليه أكم من سيارة بطلع (عبوقة = أبخرة دهنية ) بتخلي السعال الديكي و كل أنواع الدواجن تحزن عيك...الواحد لاقى حل إنو أحسن طريقة نجيب كمامات...بظرف أكم من يوم تاجر لمها من البلد و خزنها ( معلومات غير أكيدة بس سألت بكتير أماكن بدون ما ألالقي )...بلاش !!

حل تاني...بضل بلبيت و بديش أطلع...بمشي الوضع لغاية الفجر اللي لازم يكون أنضف هوا ممكن تلاقيه بيومك....بتصحى على ريحة زي النيلة...تكتشف إنو فيه إتفاق بين كل زبالين المنطقة إنو يحرقوا الزبايل علفجر...مع نفخة رياح بلمكان الغير مناسب بتلاقي الزبايل و الزبالين و روايحهم عندك بلغرفة...بتاخد حرامك و تروح تفتح المكيف بعين الله بس الواحد ينام شوي ...بتقطع الكهربا...خلص راحت النومة تروح تتحمم...المي قاطعة عشان فش توقيت صحيح بين جية الكهربا و جية المي عشان الموتور !!!

تكملة للموقف الأول...فقدت الأمل إنو أوصل أي مكان...و بعد تعاطي أكم من سيارة و عبوقتها...صرت تشوف الدنيا كور بولينغ...بتقرر إنو ترجع علبيت...بس نفسك ما بساعدك...بتوقع... بطلبو الإسعاف....اه صح !!

فش إسعاف على السيرج!

عنو نشالله ما تبع !!

أضافها Abu el Sharif, في يوميات أبو الشريف في 12:09 ص, Email this post to friend

أرسلها ,

خبّر عن هذا المقال:

(211) تعليقات

أضف تعليقا

اضيف في 30 مايو, 2008 04:15 ص , من قبل المنفي
من فلسطين

said:

من الجيد انه بقى لدينا قدرة على السخرية
بعد ان فقدنا قدرتنا على الاكتراث بكل العذابات الني نعيشها

في احدى المقالات التي نشرتها في مدونتي بعنوان (اعلان صادر عن وزارة الخارجية الغزاوية) سخرت من انفسنا مثلك
ولكني وجدت معارضة قاسية تخوينية تكفيرية من اخوتنا الحماميس ولاة امورنا

يعني يا صديقي حتى السخرية قد تجد لها عسكري تنفيذية
او بقعة زيت تقع عليها لمحوها،فخلي بالك من عيالك

تجربتي متشابهة معك فانا في غزة منذ 14 سنة ولم اتأقلم،ولكني وجدت صيغة للتعايش
ولكن هذه الصيغة فرطت تحت وطأة كل ما تحدثت عنه من عذابات يومية

وقطعني حتت واقليني في الزيت
قطعني حتت اصل انا حبيت

اضيف في 30 مايو, 2008 11:58 ص , من قبل thecaller
من مصر

said:

يعنى لو ربنا ياخدهم مرة واحدة ويخلصنا من القرف ده مش كان زمان الناس عندكو واخدة بالها بدل العته العام؟!!!

والله ربنا يعينك...الواحد يعمل ايه بس...لا حول ولا قوة الا بالله.

المشكلة انى نفسى اقولك طيب ما تسافر وتسيب البلد لكن ما هو لو كل فلسطينى مشى البلد حتبقى لوزة مقشرة لولاد الذيينا دول.

الله يهون.

اضيف في 30 مايو, 2008 01:06 م , من قبل Wedad
من الأردن

said:

المضحك المبكي
إيش بدك الواحد يحكي أنا مش عارفة.. إبدأ حملة لا للسيرج ونعم للكعابي... ممكن تنضرب شمس بس في سبيل

الله بيعينك شريفو كله بحسابه

اضيف في 30 مايو, 2008 02:03 م , من قبل مفيد
من فلسطين

said:

كلو في ميزان حسناتك شريفو....وريجيمك

المخربش الأكبر

اضيف في 30 مايو, 2008 07:37 م , من قبل sharifo
من الولايات المتحدة

said:

المنفي
مهو لولا سخرية الموقف اللي احنا فيه ما كان فيه اشي نحكي عنو غير مأساه...هو أكيد فيه مأساه بس نظرتنا ممكن تسهل تلقيها !!

و عن حكاية المعارضة فهي إشي موجود يأي مكان و طريقة، بضل إنو كيف ممكن تتعامل معها...انا مع منع المواقع الإباحية بس ضد تعطيل الشبكة كلها و تركها بهادي الطريقة بس عشان مبدأ !!
كان الأولى إنهم يتعاملو مع قضية السيرج بدل الإنترنت !

The Caller
مهو هادي فلم تاني...
الناس بيتموت عشان مش قادرة تسافر تتعالج...
و ناس منى عينهم يطلعو لأزواجهم بس فش مجال...
و الطلاب اللي راح مستقبلها...واللي راحت إقماتهم...

و انا زيهم...فليوم اللي تجيني فرصة اسافر ما رح اتردد...أصلا بطل النا وسع بوطننا !!

Weddo and mofeedz
إنشالله خير...ما النا إلا نستنى !

اضيف في 31 مايو, 2008 01:11 ص , من قبل Jerusalem
من الأردن

said:

مابعرف شو أحكي عنجد الوضع عندكم بيخنق لأقصى الحدود، قلبي معاك يا أخي وصدقني ما في حدا غير الله يرزقكم الصبر ويهون عليكم البلاوي، ومن ناحية العته العام، الله يهديهم، هادا الإشي حتى أهل الضفة بيشكوا منو، بس الفرق هو الحصار الخانق اللي حوليكم في غزة، ولا على رأي الفلاحين: "الجزر خي اللفت"، عنجد إحنا الفلسطينية لازم نستعمل مخنا في كل شي مو بس بالدراسة والعلامات والشغل، لأ لازم نحاول نخلي حياتنا حضارية أكثر ونعكس قضيتنا بطريقة أحسن...
الله يكون بعونك ويخفف عن كل أهل غزة وما بعد الضيق إلا الفرج بإذن الله.

اضيف في 01 يونيو, 2008 07:48 ص , من قبل noura
من الولايات المتحدة

said:

I truly and from the bottom of my heart admire you...I don't know how you keep going under these hard impossible circumstances,and your mind still functioning in a beautiful way..I admire your patience and sense of humor..I had two difficult weeks in Beirut, just 2 and I came back,depressed, can't eat or sleep.. So,keep it up and don't u ever stop

اضيف في 02 يونيو, 2008 11:07 م , من قبل ruba87
من فلسطين

said:

sharifoooo
wade7 ino aja il post b3d en5enaq me7rez,,, ya a5i roo7 3l ba7ar malo? ma inta lw 7deret 3lli sotak kan en7lat moshkeltak!
walla ya sharif alla ykon b3onkom,,,, o kolo kom o 7ar2 il zbaleh kom! man7os ya sharif
t7yaty

اضيف في 02 يونيو, 2008 11:14 م , من قبل sharifo
من Anonymous Proxy

said:

Jeru
الحلو بلموضوع هادا يا أختي العزيزة إنو راحت القضية بلفشنكح...ما ضل اشي منها الا العار...
بس نفسي أعرف كمان 50-70 ايش بدهم يكتب بكتب التاريخ عن المرحلة هادي؟؟
و أكيد الله بهون الأمور كلها...هو الوحيد القادر.

Noura
hahaha..thanks !!
it so nice of you saying this, eish lau te3rafe ini shaheed kaman !!
well actually I doubt that my mind is working, its on auto-pilot for sure..coz I'm not driving this thing

Rubrub
ههههه منا مخلوق مخنوق و خالص...و تصدقي إنو عندي خطط أنزل علبحر من زمااااان...و حلقة علي صوتك...خليكي منطقية الله يرضى عليكي !!
تحياتي الك كمان !!

اضيف في 04 يونيو, 2008 01:06 م , من قبل Jerusalem
من الأردن

said:

I see myself going all the way down on your favorite list
I wondered for a while: does that have to do with expressing my opinion frankly lately, hmmm?!

اضيف في 04 يونيو, 2008 03:25 م , من قبل haasweet
من فلسطين

said:

والله يا جماعة شر البلية ما يضحك

ربنا كبير وبتنحل القصة

والدحاميس ناقص عليهم يربكو ماوتير للهوا وكل واحد يدفع غرامة علي الهو الي بنتنفسه

مشكور خيو شريف

ربنا كبير

تحياتي الك

اضيف في 04 يونيو, 2008 06:34 م , من قبل sharifo
من Anonymous Proxy

said:

Jeru
WALA MARRA!!!!!...its just i'm too lazy to re-arrange the positions of the links, you are one of my very favourites blogerettes, and WALA MARRA again, you have to express frankly,that's the way it meant to be, dont feel like you are doing something wrong, I'll re-arrange the links ASAP..

Jeru
عفوا حجي....نورت البطاطا و كتر جيات !!

اضيف في 04 يونيو, 2008 08:16 م , من قبل Jerusalem
من الأردن

said:

Perfect attitude ya zalameh
That is truly our guy from Gaza, 10/10 and may Allah bless you for who you are and for this powerful mentality of yours

اضيف في 04 يونيو, 2008 08:47 م , من قبل ramykoko
من مصر

said:

حسبنا الله و نعم الوكيل

اضيف في 04 يونيو, 2008 09:17 م , من قبل mohsenyonis
من مصر

said:

أبو شريف
تحياتى
تظل غزة علامة على كل مدينة عربية ، فالعته العام جزء أصيل من تكوين مدننا ، فلا تحزن فكلنا سواء .. حافظ على روحك الساخرة هى الباقية وسط ركام أوجاعنا ، حافظ عليها لتحيا مدننا فى الزمان الآتى ..

اضيف في 05 يونيو, 2008 09:39 ص , من قبل yjb
من الأردن

said:

شريف

والله المصيبه كبيره واكبر من ان تحتمل ولكن

الله المعين

دمتم بصحه وبدون زيوت ولا حرايق

الله يكون معكم وينصركم

ولا بد لليل ان ينجلي

اضيف في 05 يونيو, 2008 01:13 م , من قبل sharifo
من الولايات المتحدة

said:

Jeru
thaaaaanks, apretiate your confindence !

Ramykoko
إنشالله خير...

Mohsen Younis
حلوة ركام هادي...
و ما تقلق طول ما فيه مصايب فيه حد بضحك على اللي بصير !

Yjb
بالظبط...لابد لليل أن ينجلي...مع انو مش ضروري يكون النهار منيح !

اضيف في 05 يونيو, 2008 03:57 م , من قبل noura
من الولايات المتحدة

said:

Thank you so much Sharif for adding my name to your list..am gonna have to get up from this depression phase and update my page too

اضيف في 08 يونيو, 2008 08:21 م , من قبل randa abu ramdan
من فلسطين

said:

howa hada el post wen kan tayeh 3ne ?
y3ne enta mish tbe3e w el post mish tbe3e lesh matgrb toktob nosos msr7yey comedy bgd
bl 3wda ll zeet allah ye5rb betoo fa lisa enta wd3k mne7 w ma ro7tsh el shifa mtl b3d nas ya shrif ama b 7kayet el zbaleen we7yat rbe m3k 72 ana bde amn3hom mn do5ol el shari3 lisa 5le el zbala 3l ard wla enhom ye2rfona b re7t el 7re2a
slaaamo

اضيف في 30 يونيو, 2008 11:45 ص , من قبل noor
من الأردن

said:

كلما ازدادت المعاناة ازدادت القدرة على السخرية
اهل غزة رايقين و اهل الاردن تعيسين
كيف هاي المعادلة بتنحل

اضيف في 29 نوفمبر, 2008 05:53 ص , من قبل افلام
من مصر

said: