كل سنة
و كل فصل
و كل أسبوع
و كل ما يصير حدث كبير في حياة الشخص
بحكي نفس الجملة "بدي أفتح صفحة جديدة"
ما أظن إنو فيه حد أي حد ما حكى هادي الجملة في حياتو...دايما الواحد نفسو يرجع يبدأ من جديد، يمكن عشان يعيش نفس الإشي من جديد، يا يمكن عشان يغير إختيارات ما ظبطت معو...
بس قليل منا اللي عندو القدرة إنو يفتح الصفحة الجاي...و قليل اللي بقدر إنو يطوي الصفحة اللي فاتت...
يعني بنصفي عايشين بين الصفحات...لا قدرين نجيب اللي راح ولا نحصل اللي جاي زي ما بدنا !
و مشكلة تانية إنو مش دايماً الصفحة كلها بتكون مضروبة، في أشياء بنتعلق فيها حتى لو كانت بين الصح و الغلط...أشياء بتحددنا و بتغير أشياء فينا..
لكن هو هيك النظام...بدك تفتح الصفحة الجاي أو علقليل بدك تحاول...
ولازم تتخلى عن الأشيء اللي بلصفحات اللي قبلها...
ولا المفروض الواحد يضل بين الصفحات ؟!
و هي أغنية المفروض تكون قريبة من اللي كتبتو...مع إني مش فاهم نص اللي بتحكيه و نص اللي كتبتو !!
said:
said:
من سوريا