أحزان شجر البطاطا : ريم في غزة

صباح الخير,

هو كان المفروض أكتب البوست هادا امبارح ونا لسة حامي...بس كنت مسطول فنمت !

همممم، من اسبوع او اكتر شوي حكالي صديقي حمزة اللي بشتغل بوكالة رمتان انو ريم بنا بدها تيجي على غزة...

يعني كنت سمعت إنو حاولت كذا مرة انو تيجي بس اليهود ما كان يرضو يعطوها تصريح...كلنا عارفين ليش!

المهم بعد بأكم من يوم إلا بحكيلي كمان مرة انو الها حفلة في غزة...

واجا اليوم و كانت الحفلة عبارة عن بث مباشر من بيتها لغزة عن طريق الستالايت...هو أي نعم الفكرة جديدة و بنفس الوقت فكرة قوية إنو نحكي انو كل ما الحصار كان أضيق قدرنا نجيب طرق جديدة نكسرو...

هو اه احنا ما دخلنا ادوية ولا اشي بنزين...بس المرة هادي كان الهدف انو نحس انو لسة عايشين و انو محتاجين اشياء اكتر من الأشياء اللي بتخلينا نعيش جسمياً...وخدين بالكو معي صح؟...بحكي كلام كبير هون !!

كانت الحفلة دمار...اكيد الحضور كان كامل...و الأحلى إنو كانت الحفلة منظمة

مش عارف ليش دايما بحب الأغاني بصيغتها الأولى يعني صوت و غيتار أو عود و هادا اللي كان..

بس صوت ريم و غيتار...يعني...جو من زمان زمان زمان ما عشتو !!

و زي دايما كنت ماسك الموبايل بلشقلوب فصورت الحفلة بلمايل...بس بدي أشوف اذا بقدر أطول الحفلة وقتها الا احط شوي منها علبطاطا...تلفزيون فلسطين بثها مباشر...الله يسامحهم سابو الحفلة و ضلهم مركزين عللي !!

بكفي حكي...يعني ياريت كتير منكو كان موجود..أكيد كان كيفتو !!

هيني حطيت مقطع من الموبايل اكيد بعد التحويل و التعديل فقد حاسة الفيديو...بس المخرج عاوز كدة...و الصوت اللي منطرب مع الأغنية...تاخدوش في بالكو !!