كان لابد إنها تيجي اللحظة إنك تصحى فيها...مع إنو الواحد في غزة دايما بحاول إنو ما يصحى من أساسه..بس حتى الراحة الها حدود ممكن الواحد يستحملها...

يوم عادي من أيام غزة اللي ما بتتغير بتاتاً...ما بين الجامعة و موجة الحر اللي مخربة الدنيا...ما بين الملل و التمسحة اللي بنعيشها...إجاني الإتصال اللي غير فكرة يومي !!

أنا : الو

و أكيد قبل ما أعطي أي عذر أو أبدي أي محاولة للحلاقة كان الخط مسكر...

ماعلينا..انا كنت مروح مشي هيك هيك، ففش مانع أعمل فصل شهامة و أجيب خبز...

غرييب...

مخبز تنين تلاتة كلو مسكر...

إيش فيه ؟

المهم..روحت على البيت عشان أكتشف إنو أهلي عارفين من زمان بس كان أملهم فيا !!

بعض شوية إتصالات هون و هناك...وصلتنا إشاعة إنو في مخبز خاين و مش مضرب...أو إنو  "يعمل بلخفاء" و لازم يكونلك معرفة !!

رحت على الوكر...قصدي المخبز...الباب نص مفتوح و الضواو نصها مسكر...دخلت ....

واحد قاعد على مكتب...أها...انا ضليت ماشي إنو كبير بلمنطقة...

يا أخ...يا أخخخخ

نعم...؟

إسمك...

شريف...ليش ؟

و مالفيت الأخ إلا طلع دفتر من الكبار زي تعون الوزارة أيام العهد البشبيتي ( البشبيتي الو بوست لحالو بس تيجي اللحظة المناسبة ) بعد ما طلع الدفتر حس حالو بمركز قوى :

عشان أبيعك !!

عاد أنا كان تعلم عللي و الصدمة أخدت اللي ضل من المنطق :

اه ؟ شريف الشريف

شريف الشريف...شريف الشريف...إسمك يتنافى مع الواقع...انتا إبن أبو محمد ؟!

عاد أنا كنت بدي أنط آخد درس سواقة ونشات ببطنو...بس المصلحة العامة أولى...اه انا ابن أبو محمد

ولا يا عليييييييييييييييي : جيب نص ربطة لابن ابو محمد...

قديش حسابنا...؟

15 شيكل...

نعم ؟

15 شيكل...

فكرة بسيطة ونا طالع من عندو...نستاهل اللي بصير فينا !