الجمعة, 07 مارس, 2008
بين البينين !
يمسيكو بالخير...
من فترة ونا عالق الصراحة
من وجهة نظري...لما أكتب عن الأحداث التي بتصير حتى لو كنت بوصل أفكاري بطريقتي، بضل حاسس حالي بكتب عن إشي مش كتير بدي أكتبو و كأني بدور على ناس توقف جنبي و تشجعني...أو زي اللي بشحت بطريقة تانية...
و لو كتبت عن الأشياء اللي بدي أكتب عنها بلفترة هادي و الظروف هادي...حطلع سافل و مش وطني و ماعنديش أي نوع من أنواع الدم..و اتهامات تانية ما فهمتها كتير !!
فبالي أعمل أحاول أنكش بموضوع ال Video Blogging مع إنو فش مواضيع فبالي بس متأكد رح يطلع نكشة خصوصا بعد ما فشل موضوع الراديو !!
المهم اليوم انا بدي أكتب عن فلمين جد تحف...يعني من زمان ما ظبطت إنو شفت فلمين قويين بنفس الأسبوع...
و اللي بيقرأ حيكون فيه شبه Spoilers و عشان ما أصير ضد الكظية  - كأنو حد مدور عللي !! - رح أعمل إسقاط على واقعنا ( كيف الإسقاط هادي.! )...
 
 
AWAKE
 

عاد شوف الحبكة...
بقولك...ملايين بعملو عمليات كل سنة من بين كل 700 شخص واحد بتعرض لإشي إسمو anesthetic awareness و بكون الشخص متمسح بطريقة إنو التخدير بس يعمل عليه جسميا و ما يأثر على الوعي بتاعو يعني رح يكون بشعر تماما بلألم و بصوت الدكاترة و كل إشي حواليه...
المقلب بكون لما تكون العملية لواحد مليونير و مش بس هيك...عملية زراعة قلب...و مش بس هيك...بقدر يعرف إنو الدكاترة اللي بعملولو العملية متفقين يخلصوا عليه....
يعني اللي حكيتو كتير قريب من واقعنا العربي...مخدرين بطريقة إنو بنعرف إيش اللي بدو يصير فينا و "قليلين حيلة" و مش طالع معنا إشي...لا شجب ولا بتنجان بالحليب !!
إشي تاني إنو صعب الحالة هادي تصير بمستشفيات فلسطين عشان لا عنا تخدير و الدكاترة ما عندهم وقت...الإشي اللي ما بعرفولو بشيلوه !!
 
 
 
CLOVERFIELD

تخيل...
فلم كامل مصور بكاميرة فيديو HandyCamera  على طريقة The Blair Witch Project و هو عن نهاية مدينة Manhattan و بحكي عن أكم من شب حظهم زي الزفت إنو واحد فيهم حبيب و عامل حالو روميو و بدو يلحق حبيبتو بنص المدينة اللي فيها وحش قاعد يكسر و يحطم و الجيش بحاول...بس بتشاطاروا علينا بلجيش بتاعهم أما بلفلم...بتسمح فيهم بلاط البشرية....
الفلم قصير ساعة و نص بس أنا أكيد من أولو لآخروا مش حتقدر تشيل عينك عن الشاشة...إنفجارات يمين و شمال و ناطحات سحاب بتوقع و ناس بتصرخ و دم....يعني أنا متأكد أي صحفي غطى بجباليا ما رح يستغرب من الفلم...عشان اللي عند الأمريكان فلم و خيال...بصير عنا بطريقة قريبة جدا !!
 
و عن للشباب الطيبة هي لنكات لتنزيل الفلم...لطشتها بس لعيونكم !!
CLOVERFIELD part 1
 
أضافها Abu el Sharif, في على ذوقي..هع هع في 02:04 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(7) تعليقات


أضف تعليقا

اضيف في 07 مارس, 2008 09:44 م , من قبل Enass
من فلسطين said:

mmmm..msh 3'alat..fekra momken tkoon mofeeda ana b7eb a3raf ra2y el nas b movie mo3ayyan 2abel ma a7daro ana
el movie ele awal "awake" sm3et 3no o sm3et eno sarat 3anjad el sha3'la m3 wa7da..allah y3enha!! ra a7awel a7daro soon..
bas el movie el tanee..ma b3raf bas ma 3ajabtnee 2esto..y3nee el wa7ad msh na2so enfejarat kaman tetla3lo bel movies..
bas thanx anyway...ah sharifoo shu 2eset el radio..o lesh feshlet?? momken t3eedha ))))))))))

اضيف في 07 مارس, 2008 10:41 م , من قبل Abed Hamdan
من الكويت said:

wallah ana beddi a7dar hai el aflaam...

bas ma a3taitni el ratings ??

kam mn 10 ??


اضيف في 07 مارس, 2008 11:17 م , من قبل LostWithin said:

gr8 post
lazem ashoof el first movie , wel esqat tab3 had el film is really gr8 :D

اضيف في 08 مارس, 2008 08:16 م , من قبل Wedad said:

ymasseek bel 5air brdo

اضيف في 10 مارس, 2008 03:44 م , من قبل randa
من فلسطين said:

من كلامك شكلهم بستاهلو انو الواحد يشوفهم وجاري تحميل AWAKE
سلاموووز

اضيف في 13 مارس, 2008 07:59 م , من قبل Noura
من الولايات المتحدة said:

I had to walk out from cloverfield, i got really dizzy and was about to throw up..

اضيف في 23 مارس, 2008 12:08 م , من قبل raja200888
من فلسطين said:

اخى العزيز
يسلمو ايديك الحلوين على الموضوع الرائع
بصراحة موقعك فى غاية الجمال
بتمنى الك التةفيق والتقدم انشاء الله
تحياتى الك
رجـــــــــــــــــا



أضف تعليقا

<<الصفحة الرئيسية