الجمعة, 29 فبراير, 2008
عادي...مش عادي...عادي
 


صوت القصف بره
 و سيارات الإسعاف
 و بعدها بتيجي الأخبار عن موقع القصف و كام شهيد...
مرة ممكن...بس المشهد هادا يصير كل يوم و بنفس الوقت...هادا اللي بخليك تفكر...طيب و بعدين ؟
الناس حتموت لو كان فيه صواريخ طالعة من عنا أو ما كان فيه... مفروغ منو بنسبة 99% !!
بس برضو الواحد أملو بالحياة بصير يسيب المنطق الصح و يفكر و يتمسك بالواحد بالمية  و بفكرة إنو طب يمكن لو ما كان فيه صواريخ طالعة من عنا كان ممكن نعيش حياة عادية...


حلوة هادي...جد حلوة....حياة عادية...ممكن بكل بساطة أحكي إنو في أفضل و أسعد لحظة في حياة أي شب داخل القطاع ما كانت قريبة إنها تكون حياة عادية...
بس يمكن مش ضروري العادي عشان توصل للسعادة...أصلا السعادة لا بد إنها تكون في موقف غير عادي...عشان لو كانت بموقف عادي حيكون شعور عادي !!
يبقى الحزن كمان لازم يكون بموقف غير عادي كمان..؟
مهو المش عادي لما يصير عادي بصير عادي و مش مش عادي !!
هع هع...يعني ممكن إنو نكون مبسوطين لو رجعنا علوضع العادي...
مهو الوضع العادي صار عنا مش عادي !!

اااااااه..إحكي هيك من الأول !!

أضافها Abu el Sharif, في كلام فاضي في 12:12 ص, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(14) تعليقات


أضف تعليقا

اضيف في 29 فبراير, 2008 12:22 ص , من قبل ايمان said:

فلسفة حلوة جد
جاي من سؤال مهم:
البيضة والا الجاجة: القصف والا الصواريخ؟ الناس بتسال وبطل السؤال عيب: مع الحقيقة المفروغ منها انو المقاومة مشروعة وانو الانسان من حقو يكون عندو رد فعل وانو صاحب الحق لازم يطالب فيه، السؤال من خلال فلسفتك هو : بظروف غير عادية وعالم غير عادي وسياسة بشرية غير عادية هل لازم نمشي على العادي؟ ونعمل اللي بيفكروا الناس بطولة ومقاومة بغض النظر عن الخلفيات اللي مش الكل بحسها نقية!
يعني السؤال هل احنا منبطل عادي ازا بطلنا نعمل اللي بيفكروا الناس عادي؟ منبطل عنا ضمير؟ منبطل عنا قهر عالوطن؟
الحلو ببلدنا انو صعب تكون عادي ومش عادي بدك تجاوب بس بين هدول الخيارين التلاعب على الخيارات غير مقبول عشان هيك الناس اللي بالنص ما في حد بيمثلهم

مش عارفة ايش احكي كمان!!

اضيف في 29 فبراير, 2008 09:27 م , من قبل Abed Hamdan
من الكويت said:

شو بدو الواحد يقول بس

وليعلم الذين ظلمو أي منقلب ينقلبون...والعاقبة للمتقين

بضل أعيد هاي الاية لنفسي عشان أذكر حالي انو الظالمين أخرتهم مش منيح وإنو الصابرين أخرتهم كويسة..انشاءالله

اضيف في 29 فبراير, 2008 10:48 م , من قبل Maioush
من الولايات المتحدة said:

Alllah ykoon ma3kom, sho bedi ye7ki el wa7ad bs, allah yhedhom!

اضيف في 29 فبراير, 2008 11:18 م , من قبل Dalila
من فلسطين said:

Ya3ne howa sa7ee7 el 3ade msh 3ade 3ena bas el msh 3ade sar 3ade ya3ne msh 3ade te2ta3 el kahraba ebsar kam meet sa3a fel youm bas sar 3ade ya3ne bno3od 3a radio el manar we ma bnefta7 el tv 7ata lama yekun fi kahraba .. we msh 3ade eno el wa7ad yekun mashe be aman elah fel share3 yela2i saroukh hafo bas 3ena she2 6abi3i .. bas elli 2aherni eno 3ade wa7ed kha6eb yakhod kha6ebto we yetla3olhom ma6ra7 negesh heek
we fi nas 3endhom msh 3ade .. hay da2ni en lama ashufo 7ano3od kol wa7ad be ghorfa we ne7ke 3al mobile bardo 3ADE

اضيف في 29 فبراير, 2008 11:50 م , من قبل sharifo
من فلسطين said:

ايمان
مهو المشكلة يا ايمان انو هادي السياسة كانت في يوم من الأيام عادية جداً و ما كان فيه حد بنكرها...بس هلأ تشعبت السياسة هادي فصارت سياستين..كل واحد بجرم السياسة التانية...و المصيبة إنو فش معيار للصحة...

احكي اللي بدك اياه...البيت بيتك !

Aboodesh
صدق الله العظيم
و نعم بالله
و هينا بنستنى...


Maioush
مش بحكيلك صار عادي...
بطل فيه فايدة للحكي...خلينا نقعد..ندعي..و نستنى

Dee
hahahaha..hadi ele ma twaqa3t-ha..Dee bel ba6a6a...ya mar7aba ya mar7aba...
kolshi sar 3adi..we inshalla beseer ele fe balek we btetla3e 3end Nabeel we te3malo kol el ashya2 el 3adiya ele momken tneen khatbeen ye3malooha...

INSHALLA KHEIR COUSIN



اضيف في 01 مارس, 2008 02:33 م , من قبل hamede
من الأردن said:

alah ma3akum

اضيف في 01 مارس, 2008 07:29 م , من قبل حوتـ فلسطين
من فلسطين said:

السلام عليكم ورحمة الله وبركاته
الصديق العزيز شريف
كيفك إن شاء الله
يكون الوضع عندكم تماااام
والحمد لله
الحال
عندك وعندنا نفس الشي
الصوت والطخ والصوريخ
والحرب كلها
وربنا يكون في العون
وإن شاء الله خير
كون بخير!

اضيف في 01 مارس, 2008 07:40 م , من قبل Diana
من لبنان said:

wil mish 3adi asba7 3adi, eeeeh, what can we say, Allah be3een
God be with you

اضيف في 01 مارس, 2008 09:42 م , من قبل sharifo
من فلسطين said:

Hameede
YES !

حوت باشا
و عليكم السلام و رحمة الله و بركاته
والله إحنا بنضل مليون مرة أحسن من غيرنا...
و المشكلة إنو بدنا نحكي زي اللي بنحكالنا...
الله بعين


Diana
belzab6...allah be3een
we inshalla kheir
thanks for passing

اضيف في 01 مارس, 2008 10:08 م , من قبل Enass
من فلسطين said:

عنجد شو هاااااااد .. صارت اقصى طموحاتنا انو الواحد يعيش حياة عادية !!!
كمان الحزن لما يصير بشكل يومي بتحول لشي عادي ! حتى الموت !
بس اكيد بكرة يوم جديد ! صح ؟؟
وما في شي بيستمر للابد ! صح؟
يعني كل شي اله نهاية ! صح؟؟

بس وبعديييييييييييييييييين؟!!!!!!!!!! وآخرتها يعني؟؟ امتى رح نعيش الحياة العادية !!!

اضيف في 01 مارس, 2008 10:56 م , من قبل vagueraz1 said:

mm, mush 3arfeh shu a7kiiii...
7asbona allah w ne3ma el wakeeel ...
fesh kalam !!! aw ba6al ynfa3 !

اضيف في 02 مارس, 2008 07:36 ص , من قبل Noura
من الولايات المتحدة said:

Allah Ykoun ma3kon..

اضيف في 02 مارس, 2008 07:38 ص , من قبل Noura
من الولايات المتحدة said:

sorry,I entered the wrong address the first time

اضيف في 02 مارس, 2008 12:11 م , من قبل shouqnm
من فلسطين said:

أكيد ياشريفو احنا صرنا نتمنى حياة عادية لأنه حتى الحياة العادية صارت اشي صعب كتير بس اللي مش عادي أبداً هو اللي بصير هلأ واللي وصلناله انت اكيد شايف الشهداء والاوضاع على حقيقتها برأيك هل من العادي انه نبطل صواريخ حتى لو كانت ما بتعمل اشي كبير متل صواريخ اليهود حتى نعيش حياة عادية مع العلم انه احنا بالحالتين رح نتلقى صواريخ اليهود فعادي جدا انه ندافع ونقاوم حتى لو بأقل القليل لانه اللي بصير فينا هو اللي مش عادي أبدا
الله يصلح الحال وحسبنا الله ونعم الوكيل
مع تمنياتي بمزيد من التوفيق
شووووووووووق



أضف تعليقا

<<الصفحة الرئيسية