الجمعة, 10 اكتوبر, 2008
بأثر رجعي

 

يمسيكم بالخير...

شو أخباركم يا جماعة الخير...والله زمان عنكو...

هادي مشكلة رمضان...

مع إنو كان أسرع رمضان يمر عللي لدرجة إني ما تعودت على الصيام، و لسوء الحظ إنو إجا و راح ونا زي ما انا وشي زي قفاي...لا جديد غير أشياء لزقت فيا و مش عارف أشيلها !!

مثلا لرمضان اللي فات كنت ماشي على نظام غذائي و ظبط...والله ما بكذب !! (ليش بتطلعو هيك...بحكي والله !)

و إجا رمضان و ضيع كل إشي عملتو...رمضان هادا كان من أهم إنجزاتي إنو ختمت مسلسل LOST أربع مواسم كل واحد بعشرين اذا مش أكتر حلقة ( كان المفروض إنو أختم إشي تاني برمضان ) بس هادا اللي صار...و المشكلة إنو حتى العيد كان كأنو مش إلنا مع إنو صارلي إشي منيح إنو فلوزت بالوقت هادا و سقطت عني الواجبات الإجتماعية !!

و مشكلة إنو رمضان هادا بكون أول رمضان ونا متخرج...قضيتو بحضر مسلسل و 99% قاعد على الكمبيوتر....تصدقو لهلأ مش قادر ارجع عل خط الحياة ( عارف مبين كأنو سكريبت مسلسل خاليجي ) مع الوزن الزيادة المكتسب في رمضان و غلطة إنو جبت كمبيوتر جديد...صار فش داعي اطلع برة البيت...المفروض الواحد يحضر لمرحلة انو يبدأ يشتغل أو يدور على شغل أو على القليل ياخد دورات زيادة عشان يقوي الC.V بس مش قاعد بصير أي إشي من هادي الأشياء...

مبارح حضرت فلم Step Brothers عن تنين أعمارهم 40 سنة و عايشين عند أهليهم...

مشكلة اللي بصير...!

مش أحسن لو ضليت مخمود و ما كتبت إشي !؟

أضافها Abu el Sharif, في كلام فاضي, يوميات أبو الشريف في 10:20 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(8) تعليقات


أضف تعليقا

اضيف في 11 اكتوبر, 2008 02:36 ص , من قبل hamede
من الولايات المتحدة said:

Al samdela 3ala al 7alamah.

اضيف في 11 اكتوبر, 2008 07:09 ص , من قبل Noura
من الولايات المتحدة said:

الحمد لله على سلامتك وكل عيد وانت بخير ،معليش ولو متأخرة، انشالله بينعاد عليك بالصحة والسلامة..
بس انوعطول عالكومبيوتر و ماكتبتلنا ولا كلمة، ليش؟؟
بتعرف انا ما حبيت "LOST"، والله معقد كتير وبدو تركيز..اناتابعت مسلسل "عبد الناصر".. لقيت عالأنترنت كل شي مسلسلات و أفلام عربي ،ومشتاقة اسمع شي عربي، وعملت متلك وضيعت وقت بدل ما أختم شي تاني..الله يسامحنا يا ربي..
الحمدلله انك بخير و ما تطول الغيبة علينا..

اضيف في 11 اكتوبر, 2008 08:42 ص , من قبل LostWithin
من الأردن said:

الحال من بعضه
انا ما عملت اشي غير اني ختمت اول جزء من gossip girl و بديت بالجزء الثاني و هيك و الحمدلله بكون ماشيه مع المحطة حلقة بحلقة ... و الإنجاز الثاني انه خففت مسنجر بس طلعت الفرقية
blogging
ههه

كل سنه و انت سالم عن العيد اللي راح و عن عيد الأضحى في حال نويتلك على غيبة اخرى لول

اضيف في 11 اكتوبر, 2008 03:38 م , من قبل sharifo said:

hamede
aaaa ?
samdela 3al 7alama hala ya hala !
thanks ya man
YES !

Noura
تسلمي يا رب...
والله فلس شديد...فش اشي يتحكى عنو...بس إنشالله المرة هادي بحكي اكتر شوي !
هو لو انا عارف اركز و ارجع على النظام بتنحل المشكلة...!

Lostwithin
طب ممتاز انك بتعملي اشي....
لا إنشالله بلاقي اشي اكتبو...او اشي اعملو عشان اكتب عنو !

اضيف في 12 اكتوبر, 2008 10:37 ص , من قبل basil91 said:

كل عام وانت بخير طولت علينا الغيبة
حمد الله عالسلامة و انا بحمد الله اني ختمت (30 صفحة) و lost في حلقة شوفتها مرتين بس زي الأطرش في الزفة و لا فهمت اشي

اضيف في 12 اكتوبر, 2008 01:18 م , من قبل thecaller
من مصر said:

عوداً حميداً
بصرف النظر مين حميداً ده
...

كلنا هذا الرجل يا شريفو ياخويا...
جوين ذا كلوب !!!!

اضيف في 12 اكتوبر, 2008 05:23 م , من قبل sharifo said:

Basil
طب جد الحمدلله على ال30 صفحة !!
و لوست تعملت عشان ما حد يفهمها اصلا...هما قالو ارمو هلمسلسل و نقطع ايدنا اذا حد اعتبر منو اشي !

TheCaller
ولو...هو فيه حميدا غير حميدي !!
هيو لسة عايش على أيام سمدلة علحلامة !
و إنشالله بصير إشي و بطلع من القوقعة المتقوقعة اللي بتمنع وخدان البال !

اضيف في 16 نوفمبر, 2008 02:38 ص , من قبل http: www aflamx com
من مصر said:

كل عام وانت بخير طولت علينا الغيبة
حمد الله عالسلامة و انا بحمد الله اني ختمت (30 صفحة) و lost في حلقة شوفتها مرتين بس زي الأطرش في الزفة و لا فهمت اشي

انا منار ممكن اتعرف عليك ؟
منتظرة ردك



أضف تعليقا

<<الصفحة الرئيسية