مساكم خير...
يا سلام...شايفين قديش الوقت بمر بسرعة، مرت سنة من يوم ما فتحت مشروعي،
الصراحة مش عارف ايش اقول، حاولت الطش اشي من مدونة ملاقط بس كلشي مختوم ملاقط فش اشي ممكن تقلبو على بطاطا، المهم...من اكتر من سنة بدينا مشروع التدوين انا و زميلتي بالعمل ايمان بس كانت المدونات بالإنجلش عشان كان همنا علوطن و بدنا نوصل أفكرانا و الكلام هادا و الصراحة إجت ايام جيدة ،مع انو مدونتي دايما كانت مضروبة و ذلك عشان لغتي كانت معقدة اكتر من اللازم عشان تتفهم، و برضو كمان طورنا مشروعنا مع اكتشاف البلوجوسفير العربي، عشان تقلب ايمان لخرابيش - اللي يصدف انو الها سنة برضو - و اقلب انا لمدونتي الحبيبة أحزان شجر البطاطا، و اللي الصراحة حبيتها اكتر من المدونة التانية عشان الواحد ما بقدر يكون نفسو الى بلغتو و رح يجي يوم اكون رايق و انسخلكم القصة و احطلكم اياها عشان تعرفو مدى عمق الفكرة اللي نابع منها الاسم.
الواحد تغير من سنة، يعني مع محاولاتي الروائية من 600 دقيقة و انتا لا تساوي بسة ، الى الهلوسات الشخصية و الحوارات الداخلية ،و تجاربي مع الكرش اللي بروح و يجي و مع بعض المحاولات انو اكتب بطريقة جدية، ضلت البطاطا ( و هادا اشي بفتخر فيه ) مكان لنكش الراس، مهما كان الموضوع، بتضل سلاطة اللسان و الرزالة المعهودة من صفات البطاطا...
برضو الواحد تعرف على ناس بالكوم عن طريق البلوجوسفير، مثلا شلة الهنا ( عبد و ايمان و اية و حديثا منوش )
و حلا اللي دايما كانت قايمة بالواجب و اكتر شوي...
و ملاقط اللي اتأمل انو في يوم من الأيام نعمل انتاج مشترك و نكسر فيه الدنيا...
حميدي باشا اللي من أول ما شرف على المدونة ما فهمت كومنت واحد من كومنتاتو
و كل العالم اللي علبلوجرول و أي حد عتب عند البطاطا بحكيلو تسلم يا كبير و إبقى ارميلك كومينت هما دقيقتين...دبحكو الكسل !!
و بس...كل عام و البطاطا بخير و انتو منورينها !!
said:
said:
said:
said:
said:
من الأردن