أول إشي نحكي عن التخويت...أغلبكم قرأ بالFacebook و أماكن تانية عن الظاهرة بتاعت إنو المحروس المريخ بدو يظهر للعين المجردة و كل الناس تصير مبسوطة و نحرر غزة و احلى حلاوة، و ما كذبنا خبر انا و الشلة انو نحضر الأمور و نبات بالمقر بتاعنا و نشوي برجر و نحضر أفلام و نشهد أقوى ظواهر الطبيعة، و أكيد بدأت الجلسة ببعض الخوازيق التي دمرت المود و حضرنا اول نص ساعة من 4 افلام و 5 مسلسلات سورية و الحلو إنو قدرنا نربط بينهم !!
قبل شوي ببشوف بالأخبار إنو في غزة عنا يوم الأحد إضراب شامل، كيف يعني ؟
مهو الحكومة و كل إشي صار أخضر..و الجامعة اسلامية خضرا من يومها...مين اللي بدو يضرب...اذا بدهم يضربو بجيبو ناس بدالهم ما بضربو...مهو بدهم يضربو بعد ما انضربوا...الصحفيين ممكن يضربو...خصوصا بعد ما اللي شفناه بالأخبار...الواحد بطل فاهم كتير أشياء حواليه...يعني نضرب ولا ما نضرب...مهو اذا اضربنا بدون ما انكون انضربنا ممكن جدا انو يصير فيه نوتة و ضرب على الحساب...من باب أولى انو ما نضرب...عاد التخويت انو الكل يضرب ونا زي الأهبل ما اضرب...و التكاسي يكونو مضربين...و يصير عندي ضربة شمس من المشي...و تكون هادي ضريبة انو الواحد ما يضرب بوقت حكو فيه يضربو عشان انضربوا...
والله يا جماعة مليان حكي...خصوصا اللي صار معي من أكم من يوم و اللي تأثيرو لسة موجود لهلأ..بس ما اظن انو مناسب احكي فيه...وخ...هو كل يوم الواحد بروح على الضفة و بلفلف ؟؟!!
هادا يا جماعة الخير قبل يومين طلعلنا تصاريح في زمن لا تصريح فيه، هو اه انا طلعت على الضفة قبل هيك بس كل مرة كان الها طعن شكل، المرة هادي كان لا بأس فيها...الإشي الكبير بالطلعة هادي انه لفينا بالقدس القديمة كتير، كل الشوارع زي بعض لغاية ماتوصل لساحة المسجد الأقصى، اييييييييييه دنيا تانية زي ما حكيت مرة قبل هيك بتحس حالك بأقرب نقطة ممكن توصلها للجنة، هادا كان بصلاة العصر...يعني لو كانت صلاة الفجر لكان تحفة فنية،والله يا جماعة الخير انو أرضنا حلوة و مش خسارة فيها نموت...بس بالأغلب انو هي خسارة فينا...بباقي فلسطين ( وااااااااال..من زمان ما حكيت فلسطين ) المهم بباقي فلسطين اليهود عاملين شغل جامد...كلشي مرتب، اه اشي تاني...اتضح من التجربة انو غزة و الضفة صاروا خطين متوازيين لو حنا لا يتلاقون...يعني...
اللي بينا و بين الضفة عبارة عن خيمة اعتصام فاضية...و سؤال حماس جد زي ما بنسمع...بس ظلم نحكي هيك كمان فيه ناس كمان بتفكر فينا...قلال بس جد شكراً انو قدروا يوصلو لنقطة انو نعرف مين هما و نحمل جميلتهم على راسنا...و ناس تانية جميلتهم على حالهم و غلبناكم خليكم مرتاحين...
الواحد ممكن يخبص جدا اليومين هادول و هوا مش عارف...
بس ...
الرسول حكى فليغيره في قلبه و ذلك أضعف الايمان...
و بما اني مش عارف، خليني ساكت، و اذا فيه اشي...فاضعف الايمان حل منطقي جداً
said:
said:
said:
said:
said:
من الولايات المتحدة