فش مسلسل أجنبي الا يكون فيه حلقة عن الBachelor Party و كيف بصيعوا و بخربو الدنيا...

لكن من منطلق إنو غزة هي بلد العجايب و طلع إحنا عنا حفلات كمان...و كانت أول أحضر حفلة لصاحب صاحبي إاللي حتى ما بعرف إسمو !!

1- تجمعات لمناقشة الأمور السياسية...حيث تختلف توجهات العريس...فيه عرس أصفر و عرس أخضر...مع إنو قلت الأعراس الصفرا...سمعت إنو صار ممنوعة.

2- تفريغ إنفعالي جماعي...الواحد بضل يهبع و يرقص لمدة ممكن توصل لأربع ساعات متتالية.

3- عرض آخر إصدارات تراثية...مثلا انصعقت و المغني ( هو بحكي عن نفسو هيك ) يقول :

" آآآآآآخ لو إني علكة تشكلس و تكزكزي عللي بسنانك " يعني مش فاهم كيف إجت...لو إللي كتب الإشي هاد إستوحاه من حبيبتو...أحسنلو يروح يطخ حالو!

4- قهاوي من الحجم الكبير...يعني بالحفلة الواحدة اذا ما كان فيه أبو 15 أرجيلة بكون فيه خطأ...و إشي معسل جرابين إشي معتبر !!

القائمة ممكن إتطول...بس بسيبكو تشوفو الواقع المرير بحالكو J