الاربعاء, 04 يوليو, 2007
ليت القصير يطول يوماً

 
الحمدلله...الوضع صار فوق الريح....الحمدلله الحمدلله...أمن و أمان و الكل مبسوط و الكل عشر أيام بنقبض معاش...الخ الخ الخ

مش موضوعنا...يعني الواحد شاف الأمور بتحاول ترجع لمجاريها..بعد صدمات عدة كان أخرها موال جميل صار بالجامعة مما تسبب إنو أنزل بحث التخرج بالصيف فتشجعت...وأنا لما أتشجع بنجن و بضرب عرق الshopping اللي لاحظت انو ما حد عندو إياه...الكل بشوف الموضوع تقيل و بايخ و متعب..و الغريب انو أغلب اللي بكرهو الإشي هادا...بنات !!!!

المهم...لفيت أنا و صاحبي و إتغدينا و شيشنا و كان كل إشي وفق الخطة...حتى إنو أخدت عرض بنطلونين بسعر واحد...شايفين...بس ضيعت التوفير لما جبت بوت بحق 4 بنطلونات ( مش موضوعنا !!)

المهم تاني يوم رحت عند الخياطة اللي بنتعامل معها...على إنو تقصرلي البنطالونات ( به به به به عارف بإيش بتفكرو يا أندال...الطول للحيطان !! )

اليوم...بعد الشغل قلنا إنلف انا و الشباب و عملنا الواجب...و جبت البنطالونات و حطيتهم بالبيت و كملت برنامج الصياعة الصيفية كما هو مقرر...

أكيد كلكو شفتو مسرحية المتزوجون لما يطول الجاكيتة يروح البنطلون يضرب...وهادا اللي صار !!

أنا بكتب الأسطر هادي ونا لسة تحت الصدمة الصادمة...الأخت الخياطة...شكلها ماخدة قياس بابا سنفور  مش أنا ( مش إنو الفرق كبير يعني !! )

إنغظت أديش مأصراهم...يفضح حريش اليهود...مش هيك..حرام...رحت أشوف على المراي شو عاملة فيهم...أبوي بطلع على بعين فاحصة...شريف...كتير هيك...الناس بتسمن بس مش هيك...!!

 

صار واضح ليش الناس بتكره تنزل تتسوق....إخص !!

 

أضافها Abu el Sharif, في يوميات أبو الشريف في 12:37 ص, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(20) تعليقات


أضف تعليقا

اضيف في 04 يوليو, 2007 12:52 ص , من قبل ruba87
من فلسطين said:

احسن شريف بالبلد ... والله مقلب ! بتستاهل ! ليش اتقصرو خلي شرعي ينضف الأرض كمان ...

اضيف في 04 يوليو, 2007 03:18 ص , من قبل bara2
من الأردن said:

ولا اشي
ههههههههههههههههههههههههههه
تخيلت منظرك ... كرشتك عشرة متر لقدام .. ولابس بنطلون بشيال ... ومخطط بالطول .. والبنطلون قصير والجرابة مبينة والحالة حالة ... اكيد انت مو هيك شكلك بس انا بنيت تحشيشي على هادا الاساس .. لوووووووووول .. بابا سنفور؟؟ضحكتني يا شريف .. عارف لما الواحد يكون متعود على الضحك وما يحضك يومين؟؟ بعديها بتفلت معاه الامور بقضيها ضحك على اتفه الاسباب .. بس هون مو اتفه الاسباب .. بابا سنفور اه؟؟؟

اضيف في 04 يوليو, 2007 10:19 ص , من قبل sharifo
من فلسطين said:

Ruba :
هو من ناحية مقلب فهو مقلب...بس هلأ صار بنطلون سنة بزيادة !!

Bara2 :
ول ول ول ول ول...شوي شوي على تخيلاتك..و هلأ صار اللي بكتبو أتفه الأسباب..له له له له !!
و مالو بابا سنفور...الله يرحمو !

اضيف في 04 يوليو, 2007 11:25 ص , من قبل mnoshhoney
من فلسطين said:

wlk leesh heek bser m3ak enti aflam LOOOOOOOOOOL

5aleh 6wel w koofo bla ma ykon 2aser w ma te2dr t6awlo!

share boot Nike ?:P
tehre w tjaded ;)

اضيف في 04 يوليو, 2007 01:00 م , من قبل oeliwat
من الأردن said:

looooooooooooooool

next time inta khod el2yas w 5aliha t2a9roh... I do this all the time :D el7al men ba3doh

اضيف في 04 يوليو, 2007 02:17 م , من قبل sharifo
من فلسطين said:

Manoosh :
amoot we a3raf leesh beseer ma3i heek...qada2 wa qadar..
we 3an el shoes...la jebet Converse All Star :D

Ola :
Maho el eishi ele bejanen ino akhadat el 2eya2...ya3ni el 7ajja khalas akeed sarat out of service !!

اضيف في 04 يوليو, 2007 03:49 م , من قبل vagueraz1
من الأردن said:

جد ضحكتني..... بتهون :)

اضيف في 04 يوليو, 2007 07:14 م , من قبل souadsaleh
من المغرب said:

عزيزي شريف
السلام عليكم و رحمة الله

قصتك حلوة كثير رغم انك ضيعت طول السراويل ههههههههه
و الله قصة جميلة جدا و لكني رأيت لها أبعادا كثيرة خصوصا مع تلك الأحداث

دمت رائعا و أتمنى أن نكون على تواصل

أختك سعاد البدري

اضيف في 04 يوليو, 2007 08:26 م , من قبل Jerusalem said:

شريف مو مشكلة ابعتلي إياهم بعملك إياهم شورت، والله بزبط مع هالشوب ;)

اضيف في 04 يوليو, 2007 11:12 م , من قبل sharifo
من فلسطين said:

Razan :
إنشالله خير....بتهوفن

سعاد :
يمسيكي بأنوار النبي...اه هو انا معابيها أبعاد..و أتمنى كمان إنضل على تواصل..محنا قاعدين !!

Jerusalem :
مهما صارو شورتات بجهد الأخت الخياطة..الله يسامحها و أتمنى إنو تلاقي راحة البال في حياتها !

اضيف في 05 يوليو, 2007 02:07 ص , من قبل أمجد
من كندا said:

يا سيدي مالها أسواق البله بطلت تنفع .. لازم من عند الخياطة

بمزح بس ...

اضيف في 05 يوليو, 2007 11:29 ص , من قبل halataha said:

يا علييييييييي حزنتني عليك ولك .. قطعتلي قلبي :(

هيهيهيهيهي عملت دراما انا :)

بس والله شي بجلط .. انا انقهرت من بعيد فكيف انت .
منيح انك ماخد الموضوع بروح رياضية هيك وكتبت بوست عنه :-)

عارفة انك حتطق ... مش بيننا :-)

اضيف في 05 يوليو, 2007 10:55 م , من قبل Safa Has.
من فلسطين said:

بتستااااااااااااااااااهل...ههه
عارف ليش؟؟ رايح لخياااطةةة؟؟ يعني انا ممكن افهم ست راحت لخياااط بس شاب لخيااطة هدي جديدة هعههع ..خيرها بغيرهااااا..
اه ع فكرة البنات بحبو الشوبنج اكتر منك بس وييييين البضاااعة :(

اضيف في 10 يوليو, 2007 04:54 م , من قبل mala2e6
من الأردن said:

شريفو يعني صار برمودا؟ هون الشباب بلبسوه عادي اطلع فية و قول هاب موضة ال 2008 حبتها من عمان و الكل بيصدق

مبروكين عليك

اضيف في 11 يوليو, 2007 12:06 م , من قبل Mufid
من فلسطين said:

يعني أنا بالنسبة إلي ما بفكر إنها غلطت، وإنما عملتهم جكر باللي بيني وبينك. على كل حال شورتاتك كوتات إلي، زتهم لجاي

اضيف في 16 يوليو, 2007 11:24 ص , من قبل Abed Hamdan
من الأردن said:

كل هذا البوست عشان بنطلوناتك وبوتك والملابس الداخلية

اضيف في 17 يوليو, 2007 11:02 م , من قبل shouqnm
من فلسطين said:

ههههههه, تعيش وتاكل غيرها يا شريفو, بس البنطلون اذا صار برمودا ممكن تطلع فيه عادي موضة.

اضيف في 23 يوليو, 2007 09:11 ص , من قبل aya
من الأردن said:

hhahhahahahahahahahahahhahahah :D btstahl baba sanfoor lqbk el jdeed:D

اضيف في 04 اغسطس, 2007 03:30 م , من قبل خميس الجملة
من فلسطين said:

حلوة القصة كتير كتير

اضيف في 13 اغسطس, 2007 06:55 م , من قبل fbigirl
من الكويت said:

لووووول عادي كان تركتهم برمودا على الموضة بعد



أضف تعليقا

<<الصفحة الرئيسية