واضح انو البلوجسفير مالو اشي هليومين....الوضع بطيئ و فش حركة زي زمان...
و لما الواحد يحلل المعطيات و المتغيرات اللي على الساحة و يحسب البعد الأحادي القطب المتأثر بلنظرة العامة للبلوجسفير و ما يحيط فيه مما ذكر سابقا ( ول!!) ممكن نوصل للاستنتاجات التالية :
واحد : الكثرة الكثيرة ( ايش مالوا هادا ؟ ) من الشعب عندو امتحانات.
تنين : مش عشان انتا كسلان و واقع بخراف القصة اليابانية اللي بتقرئها بالإسباني عشان ما بدك تشوف الفلم اللي مترجم بالانجليزي او الرسوم العربية ( واقع معقد حشرحوا قريبا ) و ناسي البلوج انو الكل هيك !!
تلاتة و هو المهم : الFacebook و التأثير على البلوجات...يا سلام كل اشي فيه حتى انو ما بضل عندك اشي ممكن تحطو على البلوج الا هو بسهلك الموضوع...
افلام....بتحط اللي بدك اياه و نجم و كل اشي لجاهز
موسيقى...ارميلك هلبكس و غيش شبابك
الشلل...اعملك Group و فيع بالدنيا فسادا...من السياسة لفن كيف تنكش مناخيرك باقل جهد مرورا بالطبخ و كل اشي ممكن الواحد يتخيلو...
و أشياء كتيرة بتخللي الFacebook اسهل و مرن اكتر...بس,,,,,
انا من موقعي هذا...بدي اندد و اردح و الم كل الشباب الطيبة اللي بتحب البطاطا... و احكيلهم بأعلى صوت..ارجعوا للأصل...ارجعو للبلوج اللي كنتو تجروا كل يوم عليه و تحبوه اكتر ما السمك بحب المي...و بروك بتحب ريدج و الحشاش بحب البانجو....
و اذا بعد الخطبة هادي...ما حركت فيكم اشي...و ما خليتكم تفكرو....أو تشتاقوا لأيام زمان...فانا Sharif H على الFacebook ضيفوني و بلا بمدونة بلا بطيخ !!
said:
said:
said:
said:
said:
من الأردن