يا سلام...أخيرا 4 سنين الجامعة انتهت و بدأ التطبيق العملي للحياة اللي النا من زمان بنتحضر الها....اه نسيت أعرفكم بحالي...خلينا نحكي انو اسمي فريد...دراسة بالجامعة الفلانية إدارة أعمال و تخرجت بمعدل جيد...

رحلة المليون خطوة بتبدأ بخطوة واحدة...هادا شعار لازم أحترمو و أمشي عليه...بس يمكن انو عشان عايش بغزة..حتى الخطوة الأولى شبه مستحيل انك تخدها...أو بتتأخر كتير...فطبيعي انك تتحول لإنسان خامل...لغاية ما إجا اليوم اللي غير كتير أشياء....

كنت قاعد على القهوة ماسك الشيشة و سرحان في ملكوت الله...قابلت صديق قديم و قعدنا نسولف و حكيتلو عن الحياة و كيف هيا معانا...

حكالي بسيطة في فرصة شغل عند واحد مليونير عايش في غزة و محتاج واحد متعلم و بقدر يحمل مسئولية...بس ما حكى تفاصيل أكتر و أعطاني ميعاد عشان أروح أقابل الأستاذ حمدان...

يا سلام يا سلام...شو كل هلعز هادا ؟

معقول في ناس هيك عايشة بغزة ؟

دخلت المكتب و قابلتني السكرتيرة..بالإبتسامة التعيسة و بعد شوي كنت بقابل الأستاذ حمدان...

الأستاذ حمدان : فريد...والله مش بطال الCV تبعك !!

فريد : شكرا...

الأستاذ حمدان : انت عارف ايش طبيعة وظيفتك ؟

فريد : الصراحة، ما عندي فكرة..بس أنا على استعداد لأي مهام ممكن أعملها

الأستاذ حمدان : هه هه هه...بتذكرني بحالي ونا بعمرك...جيد...انتا حتكون مسئول عن تسيير أمور  سنكوح !!

فريد : سنكوح ؟

الأستاذ حمدان و على وجهو بعض الانزعاج : اه سنكوح...أصلو سميتو بلحظة غضب !!

فريد : عاشت الأسامي...و حيكون عمل اداري ولا فقط مكتبي ؟

الأستاذ حمدان : هه هه هه....لا هادا ولا هادا....انتا عارف مين سنكوح ؟

فريد : بتهيألي ابن حضرتك أو يمكن شريك أو ........

الأستاذ حمدان : سنكوح يا ابني هو البس بتاعي !

فريد : ........................................!!!!!