الاثنين, 09 ابريل, 2007
حوار التهييس !!
يمسيكو بالخير...
مش طبيعي الفلس اللي عايش فيه !
من مدة نفسي أكتب اشي بس جد...بس فش اشي يتكتب عنو، أو انو أشياء مش عارف اكتب عنها !
مثلا يعني...غريب الواحد كيف بقابل الموت و الحياة بنفس الأسبوع، قبل اسبوع او قريب توفى أبو واحد من أعز أصدقائي و الصراحة كان اشي غير متوقع و كانت صدمة...و بعدو بيوم إجا لأخوي بنوتة و أنا بقدرت قادر صرت عم...شايفين الأفلام !!
أحكي الصراحة لسة ما شفتها...بس أنا بلوم الإمتحانات و الجامعة ( الشب النحيت ) و سبب تاني انو مكسل أحلق دقني ( مش من زمان...يمكن شهر بس ) و أخيرا نفسي انو البنت تتعرف علي من التلفزيون...
بابا..بابا....مش هادا عمو شريف اللي عايش برا....اللي بعتلي السيارة على عيد ميلادي !!
اه يا بابا هادا عمك المليونير صاحب امبروطورية شجر البطاطا....الله يسامحو و يبطل يتاجر بالسلاح !!
بس الاشي الايجابي انو لسة معاي وقت أصير مليونير فاسد قبل ما توعى البنت علدنيا...
 
اشي تاني....الأفلام
تفرجت على أفلام خير الله بالفترة المهببة...
Happy feet  ماشي حالو....توقعت يكون أحلى بس كيفت على فكرة بطريق مكسيكي !!
The Holiday   كأنو حط كب عليك سطل مي زي التلج بعز دين الشتا...شعور قريب جدا !
300  يعني كبشة الشباب هادول عملو كل المدابح هادي...و اخر الفلم يموتو عشان المخرج زهق..ايش معنى يعني...مهما كانو مشيين عسل و ميت فل..بس أول مرة الواحد يشوف فلم بالطريقة هادي...
Letters from Iwo Jima  والله الحج كلينت استوود ما قصر بالمرة...الفلم جميل، مع انو نص الجيش مات انتحار مش من الامريكان...بس الفلم متعوب عليه !
 
شايفين....فش كلام كتير !!
 
 
أضافها Abu el Sharif, في كلام فاضي في 11:21 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(8) تعليقات


أضف تعليقا

اضيف في 10 ابريل, 2007 02:53 ص , من قبل thecaller
من مصر said:

يا لها من حاله تهييسيه شديده..
مبروك خالو:)
الحج كلينت ايستوود عمره ما قصر و الله..
و لا انت:)
اكيد و ضرورى واخد بالك:)

اضيف في 10 ابريل, 2007 08:36 ص , من قبل sharifo
من فلسطين said:

والله انا راحت من بالي كلنة تهييس...مناسبة اكتر للعنوان !
و الحج كلينت طول عمرو بعرف بالأصول و الواجب ده راجل كمل...و الصراحة انا صرت عم مش خال..مع انو الخال احسن !
و اذا انتي واخدة بالك فأنا واخد بالي بس على الله الباقيين ياخدو بالهم :]

اضيف في 10 ابريل, 2007 01:14 م , من قبل Isam said:

ya man ... please ma te7reg el aflaaam bedoun ta7theer ... ya3ne ana 7ader el aflam bas 3'eere akeed la2 ...

nice post bas ...

اضيف في 10 ابريل, 2007 01:14 م , من قبل mnoshhoney said:

keef lessa ma shoft elbanota :|

!!!!

اضيف في 10 ابريل, 2007 04:29 م , من قبل Sharifo
من فلسطين said:

Isam
Lool...howa ana bel youm ele anaked feeh 3ala 7ad ?
dah youm sa3di we kol monaya :D
Manoosh
Ya3ni hiya 7ate3rafni lama tshofni...la kidding inshalla bas akhel el exams

اضيف في 12 ابريل, 2007 01:08 ص , من قبل Abed Hamdan
من الأردن said:

يا اهلا وسهلا...اتحفتنا... هيك بدي اياك :)

بدنا نعطيها سحجة يا زلمة...

اول ايشي بتعلم بنت اخوك تسحج!
تجارة السلاح بدري عليها..بس تكبر بتعلمها الصنعة, وبتفتحلها فرع في البطاطا

اضيف في 13 ابريل, 2007 09:46 م , من قبل halataha said:

هي أحلى تعليق لعيون أبو الشريف :-)

مبروك البنوتة الجديدة في العيلة :)

وبالنسبة للأفلام أنا ما حبيت 300 أبدا و حسيته كتير غبي وما اله قصة!!!

The holiday أكيد حبيته بما اني بنت لأني ما أعتقد أي بنت ممكن ما تحب هاد الفيلم :)
و جود لو بجنن :-)))))

وسحجة كبيره لعيون عبود :)

اضيف في 13 ابريل, 2007 11:00 م , من قبل sharifo
من فلسطين said:

Abed
ما تخاف يا مان أول ما تمشي على طول علتسحيج..و أول كلمة...ويييين يا دابة

7ala
you are always a friend of homework <sa7bet wajeb>
بسسسس انا حبيت the holiday كمان ههمممم...ستي أصلا فش ممثلات عليهم العين !!



أضف تعليقا

<<الصفحة الرئيسية