السبت, 17 مارس, 2007
يوم مثمر...

يمسيكو بالخير....

هادا يا جماعة الخير...اليوم كان شوي غريب, يعني من الصبح ونا صاحي كأنو  شارب 12 – 13 لتر ريدبول ( مع الغلم انو ما اعطاني جوانح ) بس واضح انو انعكس بقوة على يومي الدراسي و هون بحب اشكر أساتذتي بالجامعة اللي صبروا عللي بدون أي بهدلة أو إجرائات تعسفية بحق شخصي الوقور !!

 

محاضرة رقم واحد...

الاستاذ : عصف دُهني

أنا بيني و بين الشباب طبعا : دُهني ؟؟   بالله تزيد اللّية استاذ

خالد : خليك لّية

بواهاهاهاهاهاهاها....مرقت على خير....

 

 

الاستاذ ساب الدرس و بحكيلنا عن معاناة الشباب الفلسطيني...

هي هيك الدنيا يا شباب..تجار الدم اللي بتاجروا بأرواح الشباب...و ما بروح الا الشباب المنيحة، و بضل...

وانا زي الأسد أنطلو....شباب التجارة يا استاذ !!

بس هون بدي اشكر شباب دفعتي اللي اقتصر رد فعلهم على نظرة استنكار !!

 

 

 

محاضرة رقم تنين.....

درس اقتصاد و الخبط جامد...و الاستاذ غلط و اعطى مثال انو شركة Airbus بتعمل تحديد و بتسكر فروع و فصلت 10,000 واحد و الاستاذ مستاء من انو بقطعو رزقة الناس

و كمان مرة انط....خلص استاذ عندي...اعطيني اسمائهم بنزلهم بالتنفيذية !!

 

 

محاضرة رقم تلاتة...

و هون في شب اسمو بهاء مشالله عليه...عبقرينو الدفعة و بنص المناقشة بحكي للاستاذ...

- انا عندي طريقة تانية احل فيها المسألة !!

- ونا من دافع الغيظ....بالله استاذ تعملو شعبة لحالو...مش بالعو...مش بالعو

- الاستاذ...طيب يا بهاء...نتيجة ايش هادا القانون ؟

- انا....نتيجة نظرية وين دانك يا جحا

- و قعدو يتناقشو....و الاستاذ حكالو انو فعلا ممكن بس لدرس تاني
- استاذ بحياتك خليها لمادة تانية اصلو مش بالعو...
أضافها Abu el Sharif, في يوميات أبو الشريف في 11:40 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(10) تعليقات


أضف تعليقا

اضيف في 18 مارس, 2007 07:56 ص , من قبل Sami
من الولايات المتحدة said:

و انا في التوجيهي كان في شب في صفنا زي صاحبك اللي في المحاضرة الثالثة .. كنا مسمينو المفتي

اضيف في 18 مارس, 2007 09:48 ص , من قبل oeliwat said:

yaaaaah 3al aayyam el jam3ah!

اضيف في 18 مارس, 2007 11:18 ص , من قبل Bara2
من الأردن said:

الشباب وما ادراكم ما الشباب
بتحبو تعلقو على كل شي حتى لو بتعرفو ممكن يطردوكم من المحاضرة.. بس للصراحة بتكون التعليقات في معظم الاحيان حلوة

اضيف في 18 مارس, 2007 01:16 م , من قبل sharifo
من فلسطين said:

Sami
توجيهي...أو سنين الثانوية بشكل عام أحلى السنين الدراسة...و هاد بهاء مش مطول...انشالله رح افسدو !

Ola
yemken...bas akeed mesh be Gaza !!
sheklo elek zaman m5alsa jame3tek !!

Bara2
لنكون بنروح الجامعة عشان نتعلم ؟؟
الجامعة اسمها جامعة عشان الجمعة و الشلل و التعليقات اللي ملهاش لازمة
بس دايما بتكون نكشة !!


اضيف في 18 مارس, 2007 01:17 م , من قبل mnoshhoney said:

مسالة يا شريفو ومش مسئلة !! ثالث ابتدائي

كول ودمار وخفيف دم ماشالله عنك.. بس بالمحاضرة الاخيرة ما حبيتها منك يا شريفو! انا برجح الفكرة انك غيران من عبقريتو ..

a5 lw y7o6one 3amedet eljam3a la yom!

اضيف في 18 مارس, 2007 01:55 م , من قبل sharifo
من فلسطين said:

هع هع هع هع.....و مين حكا مسئلة ؟
استني عللي....علي الضمان لأفسدو

اضيف في 19 مارس, 2007 12:52 ص , من قبل ايمان
من فلسطين said:

هههههههه
حلو
والغريب انو ببدايةالبوست بتعطينا تبرير
وبكل حصة الحق على الاساتذة لانهم بغيروا الموضوع بطريقة او اخرى او بسمحوا للطالب الشاطر يغيره...
معك حق!

اضيف في 19 مارس, 2007 09:03 ص , من قبل vagueraz1
من الأردن said:

lool ... 7abeetha mnnak , sheklo dammak 5afeeef :p lool
3bkareeno , 6b ya a5y 5ly y3bber 3n 7alo :) lol..
leah '3eeeraaan

اضيف في 19 مارس, 2007 09:09 م , من قبل Wedad
من الأردن said:

بتعمل جو للشباب الزهقانة

اضيف في 26 ابريل, 2007 10:37 م , من قبل ruba mimi
من فلسطين said:

inta fo2 il faze3! ta7shesh do7ok ! lazem ne2leb 7yatak mosalsal ! 2e spots iza fesh masary! ebn safak hada wad3o s3b,, lazem tesht3'el 3la ja3lo mon7arefan



أضف تعليقا

<<الصفحة الرئيسية