بتهيألي البوست هادا كلو مش لازم...بس كل الدلائل تشير انو انا يا مفلوز يا مرشح...غريييب الشعور انو كل وزن جسمك متركز بمناخيرك, قاعد و خايف أقلب !!المرة هادي من باب التغيير ( و مش الإصلاح ) رح أكتب بعشوائية ( قال يعني الشب الخططنجي )
قولو يا رب....
غريب الشعور كيف انو الناس تطلع من حياتك، حتى لو كان الواحد عارف انو رح ييجي اليوم اللي تنتهي العلاقة او تتحول لنوع تاني، بس نقطة التحول هادي صعبة...الله يوفق كل واحد فينا، و خصوصا صديقي عوكل !!
كنت متأكد انو حفظت بوست من البوستات...لغاية ما لقيتو..الحكاية و ما فيها انو غلطت و حكيت انو اشتريت نضارة و انكسرت و حطيتها بالجاكيت عشان اصلحها....بس الجاكيت انسرق !!
قبل أكم من يوم صار شبه زلزال في غزة، و انا من بقية البيت اللي حسيت فيه...و عينكم ما تشوف الا النور من يومها ونا شبه اموسوس...حتى صارت الحوارات هادي تتسمع كتير...
شريف : هو انا بس اللي حاسس و الا بتهز ؟
س : منتا هادا الشاطر فيه..بدل ما تشوفلك درس بتتفرج على اللي بهزو
شريف : لا اله الا الله....لا، قصدي الأرض بتهز يعني زلزال
س : لا هادا انتا وسوست..و شكلك عتتعقد و تنتحر
شريف : الله يكرمك !!
بديش أطول عليكو...
بس يا جماعة...اللي الو بالتلفزيون يحضر لحظات حرجة...مش ER أكيد...بس جد حسيت فيه محاولة ناجحة...يعني مبارح مثلا، واحد محشش قتل الدكتور أحمد قدام حبيبتو، مع انو كان بدو يقتل الدكتور التاني.... و سبحان الله زبطت معاه و بنص صباح قلبو اجت ( حسسني بحلقة Friends لما يخلصو من دكتور دريك رمووري ) أي بدكم تشويق أكتر من هيك ؟!!
انا متوقع انو كمان أكم من يوم يصير اشي كتير منيح معي...أكيد انتو أول من يعلم !!
يعطيكو العافية!!
said:
said:
said:
said:
said:
said:
من الأردن