الأكم من يوم اللي فيتو كانو من أغرب الأيام اللي بتمر عللي من سنين, يعني الواحد صار عندو تغيرات بالمشاعر أكتر من السمايلز اللي فلمسنجر...و بدي أعتذر اذا كنت تخليت عن وقاري فلبوست هادا ( بس بلاش..ولك علبة الكلنكس وقورة اكتر منك ) بس رح أحاول احافظ على الفاظي قد ما بقدر !
وجايكم محمل اليوم, اللي كام يوم بحاول أفكر بأي إشي بس عشان ما أحكي بالسياسة و القرف, بس يمكن اذا طلعت الشحنة هادي...يمكن يصير في وسع لإشي تاني ( بس ما يكون زفت سياسة ) بس ملاحظة قبل ما أبدى...أنا بكره أي تنظيم أو فكرة حزب أو حركة في فلسطين (العب..الشب المستقل ! ) كلاب بتتخانق على مزبلة !
1- من الملاحظات اللي شفتها من خلال اليومين اللي فاتو إنو شبابنا صار مفلس – من ناحية القرف اللي في نفسو في قضية الحرب الأهلية – لدرجة انو ما بلاقي حد يسمعو الا على النك نيم بتاع الماسنجر...مثلا الشباب من كتر الاحباط ممكن أشكال زي :
- المحبط الرزل : تفوووو عليك يا وطن أو إشتقنالك يا إسرائيل
- المحبط الوقور : ما عاد الشهيد شهيد مادمنا نقتل من الوريد الى الوريد سامحنا يا شهيد
- المحبط اللي بتخوت : حد غيري حاسس انو اكلنا هوى؟
2- يعني اللي كان يشوف البوستات بتعتي, بعرف إنو اذا كنت بكره إشي بالدنيا بكون الجامعة الاسلامية ( أمنية حياتي كانت أنفصل..بدون ما يكون الي ذنب ) بس قبل مبارح كان فيه مواجهات بالجامعة أدت إنو تنحرق الجامعة و تفحم علقليل معظمها و اللي بقهر إنو أجهزة الجامعة اللي كانت بملايين ( ما بعرف بس كان شكلها غالي ) ولاد دار من مافيات غزة العريقة سرقتها...ههههههه Laptop بمية شيكل ما يعادل 20$...لو كنا عارفين نوصل كان جبتلي كبشة...كنت بفكر انو رح أشمت و أفرح إنو هيك صار...بس والله إشي بقهر..جامعتي هادي..و حتى ماكينة القهوة تفحمت !!!
3- و هون بدي أنطلق شوي على شباب وطني المحترمين...ولكو انتو ولاد جامعات...يعني الفئة المفروض تكون مثقفة و شوية فهم بس...تكونو انتو أكبر مصدر للإشاعات؟؟؟؟
يفضح حريشكو ما أتيسكو بس ما تهدو الوضع كل واحد بحرض صحابو علتاني....مهو يلعن أبو الحزبية اللي انتو فيها على أبو الكنادر اللي شايلينها فوق كتافكو....بكفي يا نور...اذا ما عندك خير تحكيه...إنطم منك الو و اقعد في بيت اللي خلفك...يسم بدنكو شباب بقر....Have a nice day J
4- الحديث هادا صار قبل كم يوم :
س : شو يابو الشريف ؟
ش : اه يا مان..مالك ؟
س : شو اللي بنسمعو و بنشوفو بالأخبار ؟
ش : والله زي ما انتا شايف...فخار بكسر بعضو
س : والله فضحتونا, مش عارف احط عيني بعين الناس
ش : يا حبيبي...يعني انتا بتعرفني لا فتح و لا حماس
س : لا فتح ولا حماس, صرنا نخزنا نكون فلسطينيين
ش: ..........................................
بس بدي أحكي...سمحونا يا جماعة, خربنا سيرة فلسطين و تاريخ جهاد سنين طويلة, بحكي مع شباب من الجالية الفلسطينية في تشيلي و كولومبيا و في منهم حولينا....هدول اللي عمرهم ما ما كان عندهم حلم الا ييجو على فلسطين و اللي بدرس اعلام و اللي بدرس حقوق عشان فلسطين...جد شو بدك تحكيلهم..ونتا بتحارب عشان ما تخرب النظرة الوردية عن " وطن " اذا لهلأ بحكو فلسطين...مش غزة و الضفة...و كتير منكم كمان دايما بحسدو على هادي النظرة....سمحونا يا جماعة...مش عارف ايش احكي.
said:
said:
said:
said:
said:
said:
said:
من الأردن