مساكم قشطة...على فكرة...ممكن الواحد يصير يحكي مساكم غاز أو مساكم ملبورو...بما انها الأشياء هادي صارت إشي كبير...سمعت إنهم صاروا يودو للمريض بدل الورد قنينة كولا تنين لتر !!
و قبل ما أبدا بموضوعي...في عندي ملاحظة لاحظتها ( والله تحسنت كتير...يعني مش ملاحظة لبستها أو ملاحظة ستويتها ) لا لا لا...لاحظتها إنو في مشكلة بالبلوجوسفير...طوشة من النوع التقيل...انا ما اللي و ما بتدخل...بس رسالة عشوائية...عيب و اكبروا...ادب سيس اخلاق يوك ( لمزيد من التفاصيل راجع الملك فاروق ) مااااااااا علينا...اليوم غزة دخلت مرحلة الشتا...و بدأت معها أكتر اشي بميز هادي الفصل من السنة قطعة الكهربا ! بعد قيلولة خفيفة...قررت انو اتبع الارشادات اللي في الدايت ( هادا الخراف الو بوست كامل ) و اطلع امشي نص ساعة...بطلع من الشباك لقيت الدنيا كإنها مطرت...جمييييل الواحد بطلع بشم ريحة المطر بتاع اول الفصل...المهم لبست الشورت و الكاب و جاكيت خفيف ( بحب نظرة اهل غزة لما اطلعلهم خلف خلاف ) و طلعت امشي...10 دقائق و يتبين اللي انو ما كانت مطرت و خلص و انما اخدت نفس و بدها تكمل...و عينك ما تشوف الا النور....بدت زخ مطر و مش أي مطر...مطر أبو نقطة كبير...و هون كيفت...كل واحد كان بمشي مع خطيبتو باحثا عن جو رومنسي...بوهاهاهاها...و مش بس هيك...انفجر محول الكهربا...كان منظر رومنسي جميل !! المهم...قلت يا ولد...وين اقرب مكان...اه الحلاق...بمسي عليه و بروح علبيت !! رحت عند الحلاق و مسيت عليه...ونا ضامن الكهربا قاطعة.. اه والله اجيت احلق بس الكهربا قاطعة...خيرها بغيرها ولا هو ما صدق...له يابوالشريف صرت ضارب المشوار بشغلك الموتور..ونتا بتحلق على الصفر ما بتاخد وقت ! لحظة احراج...طيب...انا فعلا كنت محتاج شوية تهذيب...قلت ماشي !! قعدت و بدأ شغل...لغاية ما وصل لمرحلة الموس...وصار حالق شوي من دقني...لا صوت الموتور ببطأ و بسكت و تقطع الكهربا !! ونا...همممم... وهو...إخص !! ونا...لا مش هممم...ليش الإخص !! وهو...أصلو شكلو خلص البنزين... ونا...طيب...مش مشكلة عبيه... وهو...أصلو ابني ما عباش الجلن ونا...يا حللولي... و هو...ايش رأيك نعمل طريقة التجربة و الخطأ !! ونا...على انو بمزح ضحكت !! و هو ضلو ساكت... يبقى بحكي جد !! لا بلاش المرة هادي...فش شمع ؟! دور دور دور...و مافيش !! خلص يبقى...باجيك بعدين !! و هو...ماشي...طيب خليني أغسلك شعرك ! ونا..لا يسلمو...بدي اخد دش بالبيت ! و هو...بس بترجعو... ونا...ايش هو ؟ وهو... الدش...هاهاهاهاهاهاهاها سمعتها كنت ممكن ارتكب جريمة مع سبق الاصرار و الترصد...بس الله سترو انو اجت الكهربا... كمل شغلو...و روحت ونا في بالي انو...ليش دايما حظي بالحلاقين مضروب !! ونا بفكر..نزلت تحت مزراب..أكلت دش من مية مجهولة المصدر...صفنت..و كملت مشي...بس تغيرت الفكرة شوي ... ليش دايما حظي مضروب بهلدنيا ؟!!
أضف تعليقا
said:
هههههههه كل هذا صاير معك من أول شتوية هذا كيف لما تشتي عنجد وندخل بفصل الشتا أكتر
الله يعينك ياشريفو
مع تمنياتي بمزيد من التوفيق
شوووووووووق
كنت محضر تعليق من قاع الدست... بس علشان اغير الصورة اللي انتشرت عني إني بس بهاجم، ولأنو من المعلوم إن البلوغات اللي بزرها هي تلاتة؛ فأنا مضطر إني أخفف اللهجة وأقول هايم المرة: نعيما....!
Manoosh
بتغيب بتغيب...و بعدين بترجع بتسب !!
عقبال ما انشوفك تحت المطر...
و يكون في عواصف بالمرة !!
Shouq
عاااااااااادي...اليوم كمان مطرت عللي و تيست الا اروح مشي !!
شكلها حتكون شوتية طوييييلة !!
مع تمنياتي بمزيد من الديموقراطية و رصف الشوارع !
Moofeedon
هيهيهيهيهيهي...الصراحة انا كمان استغربت من رد ليلى الحمراء و جمال اللوح..أصلا كان لازم يفكر بإسمو قبل ما يحكي..ونا الا تهاجم ايمان...منتا كبرت الموضوع !!
ونا بكل أريحية ممكن احكي هلأ...ينعم عليك !!
said:
مجرد قراءة كلماتك باللهجة الفلسطينية عن مشاهد من حياتك اليومية في مدينة غزة، أشعر بشعور غري يمتلكني، هو شعور بالتواصل، هو رغبة مني أن أعرف أكثر عن شعب يرتبط بي، وأنا عاجز عن مساعدته، شعور بالذل والانكسار، شعور بالغصة والحرقة، أسلوب تعاملك مع الظروف القاسية، بكل خفة دم، وبكل تكيف، يدل على عشقك للحرية، وعشقك للحياة.
شكراً لك..
أنت الآن تحت المراقبة 24/7.
لتحيا فلسطين.
اخوك علوش السوري.
said:
ya elaaaaaaaaaaahi :D
ana law mnk bante7er! o7ayye feek ro7ak el reyadeyyeh el 3alyeh.. bs sheklo battalat tshatti 5alas 5eles el sheta :p
أضف تعليقا
<<الصفحة الرئيسية
sharifo83@googlemail.com
- خرابيش ايمان
- رؤى حلا
- حروف لها صوت رزان
- Ruba
- Jerusalem
- The Caller
- SimSim
- Sou
- Shouq's
- Nana .: Tulip :.
- InK DroP
- Soul Blossom
- MaLa2e6's
- Bara2's
- Jasim's
- Maioush
- Adoosh
- Abed Hamdan
- Cinnamon Zone
- Noura - smile
- Between here & there
- Live From Gaza3
- Memories Documented
- Manosh & Honey 24/7
- Chocoholic MADNESS
- rebellious arab girl
- arabesque rhabsody
- scripts [3] - - بدون سبب [16]
- - خط أحمر [9]
- - شجر البطاطا برودكشنز [8]
- - على ذوقي..هع هع [12]
- - كلام فاضي [37]
- - يوميات أبو الشريف [28]
5arjak :D
kol wa7d bo5od mn el denia 3la neyato o enti neytak ma3rofeh mosbaqan :P
bs 7ilew el doosh ma??