هادا يا أصدقائي الكرام، من بعد ما صارت الحرب الأهلية و كل واحد حرد و راح على غرفتو، صار في نوع من الحرب الباردة بينهم، هادا بسكر مؤسسة و احنا بنسكر مكتب، هداك بحكي انا تيس، بحلف يمينين و طلاق انو انا الأتيس، وحنا تايهين بين الجوز، و بما انو غزة هي الملطشة فكان لازم انو تتصعب علينا الأمور كتير أكتر عشان ندفع تمن غباء غيرنا،مش ضروري أحكي إنو لفيت نص الدنيا ونا بغزة...سفرات اقدم ورق و اكون مرشح و يتوافق علي...و بعدين اترفض عشان شباب غزة ما بقدروا يطلعو...صعب الشعور لغاية تالت مرة و بعدين بتمسح !!
المهم يا جماعة الخير بعد العيد و الاسعار في ارتفاع غير منطقي، من مواصلات خبز لغيرها من الأشياء التانية، بس المشكلة هو انقطاع الكولا، او بالأحرى فش إشي بغاز بدخل البلد ( يمكن بكفيها غاز أهلها ؟! ) حتى المكة كولا اللي كنت أتمسخر عليها بطلت موجودة صار سعرها من شيكل واحد الى خمسة...
و يضيف سواق تاكسي : يعني بدي اشتري لإبني سندويش فلافل بشيكل و أشتريلو ( إشي يِبَلع ) فيه بخمسة...أحا ( هو اللي حكاها مش أنا !! )
الصراحة معو حق أحا...(من أسماء يا لهوي !! و تفيد الاستنكار المنحط )
واذا صحيو على حالهم انهم مقاطعة الكولا...طيب مش فيه اشياء أولى نقاطعها ؟
و قال ايش هوس غزة الجديد...السجاير و المعسل..يعني مبارح و الواحد بحضر حمدي قنديل بقول مؤتمر الخريف مش هم أهل غزة..ولكن إرتفاع اسعار السجاير و المعسل !!
يعني، بالفترة هادي ممكن تقسيم غزة لتلت محاور..مدخنين و بائعين سجاير ( طيب وين التالت ؟ )
ما رح اتفلسف كتير بس ما بتتصوروا قديش مأثر قطعة المعسل على شباب غزة...بطل حد شايف قدامو !!
خصوصا بعد ظهور معسل ( الجرابين ) لما ارتفع سعر المعسل من 8 شيكل الى 40 و مازال السعر بارتفاع...يعني الواحد بستحرمها يأرجل ب40 شيكل و غيرو ما معو حق دوا !!
هيهيهيهيهي...و الواحد بسال ليش البامبرز إنقطع من البلد...طلع عشان بهربوا فيه سجاير !!
فكل التحية لأطفال غزة المساهيل...و بحكيلهم...امسكو حالكم يا جماعة...طول ما اهلكم بدهم يدخنو !!!
said:
said:
said:
said:
said:
من فلسطين