مساكم خير...
من وين بدي ابدأ..عندي شوية أفكار ببالي بس خلوني ارميهم و الله يعينكو :
ملاحظات من وحي الاجازة :
- من ايمتى بنكتب على علبة السردين ..(حلال ) ؟
- غلط يعطو الواحد اجازة بعد الامتحانات و ينزلو بنفس الفترة علامات هادي الامتحانات عشان الواحد عمليا بتخلص اجازتو وهو على اعصابو من هادي العلامات ( نظرية مثبتة )
- خود بالك من الأفلام هادي :
- Borat غبي غبي غبي و مستتفه الدنيا
- Proof ياريت عمرو ما طلع من الكتاب....قصة فارطة
- V for Vandetta صار من أكتر الأفلام اللي بحبها...فلم عبقري بكل معنى الكلمة...تحفة
- Motorcycle diaries برضو من أعز الأفلام اللي...ما بنشبع منو...
مش عيب الواحد يعرف نوع ثقافتو..نصحوني بكتاب لإبراهيم نصر الله و انا عادة بحب انو اعرف اكتر قبل ما اتدبس بالإشي فقرأت عنو و هيك...و الكل بشكر فيه و بحكو عنو منعطف اسموزي بالعالم متوازي البؤرة لامتناهية الاستقامة...حكيت بكون واحد ناقد بدو يتفلسف و كتب الكلام هادا..جبت الكتاب عشان اتفاجأ انو فعلا هيك...يعني لو حدا جابلي كتاب كيميا نووية مكتوب بالافرنجي كان اسهل...و عادة انا من الناس اللي ممكن امسك كتاب و أقرئوا...بس هادا مش كتاب كأنو الكاتب حالف يمين ما حدا يفهم...نهايتو...مش غلط الواحد يعرف نوع الثقافة اللي بحبها و النوع اللي ما بقدرلو...بس غلط يكمل تياسة على تياستو..شو رأيكو ؟
ايش الاشي اللي صعب ما تلاقيه بجيبت الواحد لما يطلع من البيت ؟
يمكن مفاتيح السيارة ؟ ولا يمكن الflash memory بعض الناس بحبو يكون ipod ولا يمكن الموبايل ؟ بس انا من اكم من يوم صرت على قناعة انو الاشي اللي ما بفارق أي مواطن غزاوي هو كيس البزر !!
من يومين ركبت تكسي, واحنا التكسي ممكن يركب فيه اكتر من شخص....المهم, كان السواق و بقية الركاب عملين حفلة بزر...و يا حبيب الله..ما بدكو تتخيلو الصوت كيف عامل التكسير و عفوا ( التف ) اللي حتى لو بأكتر الطرق احتراما بكون اشي بقرف...و مش بس هيك زي ما بتعرفو عن انو حماة الوطن اللي بكونو بشوارع غزة ليل نهار...بدهم اشي يسليهم...في مكان بمشي منو يوميا و بكون المنظر جميل عبارة عن متكة قشر بزر و اذا بتركز منيح ممكن تشوف انو تحتو كان في رصيف !!
ما عندي اشي ضد البزر...بس يا أخي مش يكون رفيق الدرب...بالبيت بلعس بزر زي ما بدك بس مش ضروري بالشغل و نتا ماشي ونتا قاعد و نتا بتدرس...مرة بالمستشفى واحد بستنى دورو كان بقصقص بزر...بسمع صوت...بحكي هع هع هع قصر ديل يازعر ..كل هادا حقد عشان ما بتعرف تاكلو...بحكي يمكن عشان من متطلبات الجنسية الغزوية بجانب الفلفل الأحمر و الشخر...بصفي عمري ما كنت غزاوي او رح اكون..مع كل الاحترام لصحابي اللي من غزة و غزة اللي بتضلها بلدي و بموت فيها....بس مش هيك !!
said:
said:
said:
said:
من الولايات المتحدة