أحزان شجر البطاطا : خمسة و خميسة

طيب...

من الواضح انو حالت الفضاوة اللي اجت فجأة عملت مشكلة...

و بما انو الفضاوية جاية من فراغ يبقى ممكن نعرغ انو فش اشي محرز احكي عنو هليومين غير نصيحة...فلم BORAT اللي كسر الدنيا عبارة عن أغبى فلم أشوفو في تاريخ حياتي الحديث...

ندخل على الموضوع..

منوش هانم لبستني تاغ بس بالنسخة العربية اللي مش عارف بأي مدونة قلبت عربي, الكل شايفو بلطشها بالانجليزي...المهم..اكتب 5 أشياء ما حدا بعرفها عنك !

1- لساتني زي ما انا من 10 سنين...فتتخانق مع البيت عشان اتفرج على Gundam Wings و لحد هلأ بطور جهاز الكمبيوتر عشان اجيب العاب..و الأهم و يا فرحة أهلي لما أحكي..مش ناوي أتغير !!

2- بحب الشغل تحت الضغط..بحس انو بطلع مني أشياء أحسن لما أكون مربوط بموعد معين و أصحى على حالي اخر إشي..غالبا بقدر أظبط أحيانا باكل هوا !!

3- بحب المطبخ..فش إشي مريح للأعصاب اكتر من إنو تقعد فالمطبخ تعملك اشي و غالبا بكون أومليت بس بكره حد يحكيلي نضف وراك..هادي بتكون بايخة !!

4- بستهلك موسيقى : بحب اضل اسمع بالأغنية لغاية ما استهلكها كليا و ما أطيق اسمعا ما عدا بعض الأغاني اللي بحبها موت و ما بستغني عنها !!

5-الحمدلله..بقدر أنام وقت ما بدي, بكون صاحي من النوم و بزهق بنام كمان مرة...بس في حالة انو يكون بالي مشغول مستحيل انام..غير هيك !

منوش ما سابت حدا الا حكتلو عن التاغ بس اذا بدي البس حد رح يكون الشلة الكريمة ( اية و ايمان و عبد )

و إشي تاني قبل نص ساعة كان عيد ميلاد ايماااااان فكل سنة و هي طيبة و تقبل التهاني هون ( لازم الندالة شو اعمل ) و عقبال قد ما بدكو سنين !!

فيمسيكو بالخير...