الاحد, 14 يناير, 2007
عدنا...
يمسيكو بأنوار النبي...
 
انا شبه حاقد على نصكو...من وقت ما حكيت بديش حدا يحكيلي بديش حدا يحكيلي روح ادرس و صارت "حكمة الأسبوع" الكل مبسوط حتى بتوصلني مسجات " روح ادرس يا شريف نواهاهاهاها"...
فبغض النظر عن مخرجات عملية الامتحانات بحب ابشركم انو خلصت الفصل هادا, و معي اسبوعين كاملين بس لنفسي اعمل فيهم اللي بدي اياه ( اه منتا كنت مقطع نفسك دراسة ), المهم مبدئيا عندي شغل كوام كوام و انشالله من بكرا بدي انظم حالي انجزهم...بس على الصعيد الشخصي ( كيف الصعيد هادي؟؟ ) عندي خطط بالكوام مش بالكوم...
 
 
 
1- بعد عودة الكرش الضال بقوة..بفكر بمسلسلي الجاي...ذهب مع الريح ( ما يروح بالكو لبعيد..الهوا يعني )
فبدي ارجع على النادي و أرعى من أول و جديد ( خس و جزر )
2-بناءا على نصيحة خرابيش هانم, جبت كتاب بدي أقرأو و هوا براري الحمى بما انو مجلة سوبر ميكي بطلت تيجي على غزة فحكيت أقرب اشي ممكن يكون كتبا لإبراهيم نصرالله
3-أفلام..أفلام, بالأكم من يوم هدول حسيت حالي مقطوع فحاطت على قائمتي :
Proof , V for Vandetta, Borat, You me and dupree
فأي حدا بدو يقترح كمان يحكي...الله يخليلنا الARES
4-السطح و بقوة : نرجع على سطح سلوم رغم البرد و الأعاصير, نرجع لمشريعنا العظيمة زي شوي جنحان الجاج بكميات تجارية, و هادي الأشياء أكيد رح أحكيلكو عنها !!
 
 
 
 
 
يعني هادي اللي جاي في بالي هلأ...و كلو في اسبوعين...يا سلام !!
و المفروض عندي واجب ( تاغ ) مش ناسيه يا منوش....بس شوي مطنشو !!
فنهايتو زي ما بحكو..عدنا و العود أحمد..و محمود و خميس ونا ونتا و دقي يا مزيييييييييكا !
 
 
 
 
 
أضافها Abu el Sharif, في يوميات أبو الشريف في 11:59 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(9) تعليقات


أضف تعليقا

اضيف في 15 يناير, 2007 12:41 ص , من قبل Weddo ..
من الأردن said:


أنا خلصت فقعت معي من الدراسه P:

enjoy your time :)

وصح! إيش هالعصفور!!!!!!

اضيف في 15 يناير, 2007 01:58 ص , من قبل mohammed said:

موفق يا شريف وان شاء الله العلامات تكون منيحة


بعدين تعال هان .. ياويييييييييييلك يا سواد ليلك لو بتفكر مجرد تفكير انك تطلع بسمعة بس ، انت اطلع وشوف شو بصيرلك


على العموم تحياتي واجازة موفقة

اضيف في 15 يناير, 2007 10:35 ص , من قبل mnoshhoney
من فلسطين said:

2al y3ne stf2dnak bftret elimte7anat !:P
yala mnee7 enk 5lset, 3eesh bhl2osbo3een :)
aw ana mfakre aser ar3a 5ass w jazar :S

elTag 2a5ertk r7 te3mlo , na7no nantazero ha hona ;)

اضيف في 15 يناير, 2007 12:31 م , من قبل vagueraz1
من الأردن said:

hi sharifo ... nyalak 5last exams :)
ana b 23/1 /......
yala bdna kul yum post :p lol

اضيف في 15 يناير, 2007 06:00 م , من قبل dalio
من فلسطين said:

w meen sm3ak sharif
osbo3eeeen lazem n3eshom betol wel3ard

اضيف في 15 يناير, 2007 10:46 م , من قبل simsim
من الأردن said:

حاسة حالي زي الدخيلة كلكم امتحانات ما امتحانات و الله زمان عنها :(

يلا انجوي يور تايم

اضيف في 15 يناير, 2007 11:09 م , من قبل ايمان
من فلسطين said:

زماااااان عنك
يالله بدنا قصصك العتيقة!

اضيف في 16 يناير, 2007 03:19 م , من قبل 7ala said:

عن جد انك بتضحك :)

اضيف في 16 يناير, 2007 07:12 م , من قبل aya
من الأردن said:

shariffffffffffooooooooooo nyalk ana lsa ma 5laset r7 tetl3 roo7e bt3rfne nerdeh :D ...roo7 walla enk nhfeh



أضف تعليقا

<<الصفحة الرئيسية