يلعن هيك لهيك هي رابع مرة أكتب الزفت اللي بكتبو هادا..
يمسيكو بالخير...

كانتا مسألة وقت قبل ما أنعدي من ايمان و أبدر انا كمان مدونتي بالعربي بس المرة هادي ما رح تكون خربشة و لا بطيخ مخوخ، اللي عارفو انو انا مش عارف ايش رح أكتب بالمدونة...بس زي ما عملت في أماكن تانية ( منها دسك المدرسة و بعدين الجامعة + كل اخر صفحة من أي دفتر مسكتو في حياتي ) رح أكتب أي اشي بخطر على بالي بمعنى أو بدون معنى و يمكن يعجب و الأغلب لأ.!!

طب أكيد الفتك منكم ( ههههه منكم انتا متصور حدا رح يدخل الصفحة هادي...أهبل ) المهم...رح يسأل طب ليش " أحزان شجر البطاطا" و الصراحة انا حبيت أكرم أول قصة أقرأها في غزة كان هيك اسمها و مع إنو هي أتفه اشي ممكن الواحد يقرأوا...بس جد من الأشياء اللي كل ما امسكها بسخسخ عليها ضحك...!!

فما تبخلوا عللي اذا دخلتو الصفحة هادي....تحكو رأيكو...بس مش يكون بالاملاء بتاعي عارفوا !!