المدونات الطريقة الجديدة انو الواحد يقرف الخلق فيها,

افحمتني هاي الجملة..والله فكرة ممتازة, وبما اننا بالوطن العربي ومافي حقوق ملكية فكرية, رح الطش فكرتك..

هلا بنزل الاغاني هاي, مع اني مش كتير معو, صارلي فترة متسلم ماجدة الرومي, ما انا زي حالاتك, كل فترة بهاجم اغنية شكل

لا حول الله يارب

ya m7asen elsodaf :D!!
mbare7 lma sm3et awl song "elfostan elabyad'" blmood 3ndk, ro7eet sm3et kol elalbum :D ela3'ane 7elwen ma 3ada "terrm" hay :S ymkn l2ene shoftha vedio clip mn km yom..

Gracias anyway;)

عبد
هههههه فعلا..و قد ما بقرفكم لسة بترجعو..جد كل الاحترام
ماجدة الرومي...ممم هادا صاحب " كيف " موسيقي..و على فكرة مشكلة حكاية استهلاك الأغاني..عشان بطبل تستحمل تسمعها مرة تانية

مواويل
شو قصدك ؟؟؟؟؟؟؟
و الإشي التاني...اسمها لا حول إلا لله

Mona
انتي بس ضلك ماشية على المود بتاعي و كلها يومين و بصيري تسمعي سعد الصغير !!
و الصراحة انا كتير حبيت أغنية تررم..و المشكلة انو حبيت الفيديوكليب بتاعاها كمان...هادف !!!

مش عارف ياخوي, سبحان الله كل ما أدخل عندك بضطر أقول لا حول ولا قوة إلاّ بالله بعدين أكتب الرد فبدك تعذرني مرحليا .

شوف هو في تفاهة على ابتذال وفي تفاهة على نغاشة ويا عمي انا شخصيا بحس انو اغنية "مجنونة" لهادا محمود عسيلة (بعتبره خليلي :) ) اهدف اغنية في القرن العشرين بتحكي عن الحياة!!
لاحظ اهدف!!
;)
اما عن شريطه الجديد المليىء بالقيم فهو برضو حلو واغنية تررم هاي حلوة
فعلا لا حول ولا قوة الا بالله ههههههه

الله يقطعك انتا واياه شو بكرهو هالزلمة، من يوم ما شفتو وانا مش بالعو، بس بالرغم من هيك في اله كم نهفة حلوين، بس يا أخي مش قادر أقدر، بكرهو!

بحكي لا حول لا قوة إلاّ بالله, لأنه هالجيل هاظا من المغنيين مش نازلي من زور أبدا, حتى بدون ما أسمع بقدر أحكم عليه, وع كل حال هادا زمن ثقافة الاستهلاك, والفيرست فود حتى بالفن, يعني خلينا نشوف مثلا ونقارن ما بين أغنية من هالألبوم هادا وأغنية تانية لفيروز ونسأل أي أغنية علقت ببالكن أكتر .

هالأغاني الجديدة بتيجي أغاني أحدث منها وبتحميها, أما العتيق بيضل أصيل والدليل أنه لليوم بنغني الحلوة دي قامت تعجن بالفجرية تبعت الشيخ سيد درويش الله يرحمه ويحسن إليه .

في الأول بدي احكي انكو خيبتو ظني...
بس عادي دايما الواحد بهاجم الإشي اللي ما بفهمو..!!

ايمان
فعلا..انا كمان بحب أغنية مجنونة بس انا بحبها عشان الموسيقى تعتها و انا كنت شاكك فيه يكون خليلي..راسو كبير !!

عوكل
انا برضو حاسس انك مش قادر تقدر تحبو..بس حاول تعطيه فرصة!!

مواويل باشا
خلينا نناقش الموضوع بشكل شوي اعمق من " نقاش الانطباع الاول "
انا ما بعرف عنك كتير..او قديش عمرك عشان اعرف احدد طبيعة الحكي...بس رح افترض انك من جيلنا...
1- حتى بدون ما أسمع بقدر أحكم عليه :
و هادا قمة الخطأ..و كنت بفكر انو الناس بطلو يفكرو بالطريقة هادي من زمان...بس شكلو لأ, بكل اشي بالدنيا و حتى في أتيس فترات اللي بنمر فيها, دايما فيه المنيح و فيه العاطل !!

2- وع كل حال هادا زمن ثقافة الاستهلاك, والفيرست فود حتى بالفن :
في هادي انا معك..طبيعة الدنيا و سرعة كل اشي بتتطلب الاشي هادا..و هادا بضيع متعة الأغنية..و هادا السبب اللي بخلينا نحب نسمع اغاني زمان عشان عاشت كفاية لدرجة انو أجيال كاملة تشربتها و صارت جزء من شخصيتها..و هادا اشي ما بتوفر بأغاني اليوم..عشان كل 5 دقايق في البوم جديد بنزل !!
واشي تاني...اسمها فاست فود !!

3- يعني خلينا نشوف مثلا ونقارن ما بين أغنية من هالألبوم هادا وأغنية تانية لفيروز ونسأل أي أغنية علقت ببالكن أكتر .

أنا كتير بحب فيروز..و جد انها اسطورة بالفن العربي..على خلاف مغنيات الفترة هادي..اللي اصلا غلط نحكي عنهم مغنيات او مطربات..الاسم العملي الهم ( مؤديات )..بس نرجع لنقطة الواقع..شو كانت تغني فيروز..
**أغاني حب**
( و اكتر اغنية بحبها الها هي بعدك على بالي و عندي ثقة فيك )
الأغاني هادي موجودة بالوقت هادا..و ما حدا ينكر انو في أصوات جميلة كمان و كلمات معقولة
** تفاهة **
أغاني الزمن هادا تافهة و ما الها اساس..عادي فيروز غنت حنا السكران و غيرها اللي موضوعها كان غريب بزمنهم كمان !!
** للوطن **
فيروز غنت زهرة المدائن..اللي بتخلي الواحد يبكي..صحيح و نا بموت بالأغنية هادي كمان...بس جوليا بطرس غنت و غنت و غنت..و هي من الجيل هادا !!

ان

المشكلة في الأحكام المسبقة برزت بسبب هذا الكم الهائل من الدفعات الغنائية الاستهلاكية, وليس بسبب مشكلة لدينا, يعني أول ما نسمع الاسم الجديد, ونرى الشعر ( المسبسب ) والجينز بتنا نعرف أن هذا الأخ المغني هو من نفس الجوقة المعروفة, قد نكون مخطئين أحيانا, لكننا بالمجمل نُصيب لأن الحالة انحدرت بطريقة مُخيفة, وقد يكون اهتمامي أنا بالموسيقى الشرقية تحديدا ودراستي للعود لفترة يجعلني أنظر إلى القوالب الموسيقية فأتناسى الكلام وعلى هذا الأساس أقيّم .

فاست فود صحيح, سقطت سهوا مش عمدا وحياتك .

بخصوص أغاني زمان, بحب أأكدلك أنه هناك أغنية لكوكب الشرق أم كلثوم اسمها ( الخلاعة والدلاعة مذهبي ), طبعا هي بهداك الزمن كانت تعتبر أغنية هابطة, وأنا سمعتها, ووحياتك تعتبر بمقاييس اليوم أغنية طربية !

قلق يا ابو الشريف
بس في شغلة انه انا بسمع اغنية الفستان الابيض وما كنت اعرف انها لهالبني آدم
بهيك انت حاتخليني انزل الالبوم كله ( لانه الاغنية داخله مزاجي ) مش عارف ليش

يسلمو على هالاغني والله يسلمو اغاني جد دمااااااااااااااااااااااااااااااااااااااااااااااااااااااار يسلمو مرة تالتة