كل اشي بدل انو الشتا بدأ , و أكيد مش ردا على النشرات الجوي عشان دايما غلط !!
كئابة الشتا من أول ما تفتح عيونك بالصبح, أغاني فيروز اللي في بال الواحد طول اليوم، المطر اللي ما بوقف او بوقف لحظات عشان يتأكد انك صرت تحتو عشان يرجع يمطر عليك, لما يخلص الكلام بينك و بين الناس و يصير كلو مكرر و مجرد كلام , برك المي و السواقين الرزلين اللي بكون يوم سعدو تكون واقف في مكان و تكون هدف " طرطشة " مثالي، أو مزاريب المي اللي بتطلعك بدون ما تعرف من كل مكان..جد من كل مكان ( بطل المزاريب 3 سنين عالتوالي )، الامتحانات النصفية في الجامعة و شدة الأعصاب، الفراغ الغريب اللي بشعر فيه ( موجود بالصيف بس بالشتا بكون مركز ) و التفكير...و هادي مصيبة لما يكون عندك فراغ مش عارف تملاه، بيجي دور التفكير اللي عمرو ما بوصلك لإشي : شو بدي اعمل بعد ما اخلص جامعة, معقول ربنا يستجيب لدعواتي و اطلع بره البلد، امتى رح تتجرأ كفاية و تحكيلها, امتى رح اتعب تفكير و انخمد بكرا عندي جامعة، و دايما أسئلة.. بدون اجابات
ظلم ما احكي..الأشياء اللي بحبها بالشتا متل الكسل, السيجارة في عز دين الشتا و البرد(مع إني ما بدخن)، و الكميات التجارية من النسكافية ( بيت – جامعة – مكتب – بيت – بيت – عند صاحبي او بالقهوة – بيت )
ما رح احط أي امال على الفصل هادا, عشان عزرو الوحيد انو شتا..مع انو الشتا طول عمرو شتا، بس احنا اللي يمكن خلينا يكون شتا..مممممممم؟!!
said:
said:
said:
said:
said:
said:
من فلسطين