الجمعة, 20 اكتوبر, 2006
و تتوالى التجارب التلفزيونية

الواضح انو المدونة هادي وجه سعد عللي فمن يمكن اسبوع وصلني ايميل من ستيفن سبلبرج ( المخرج يا جهلة )
انو قرأ المدونة بتاعتي و خصوصا البوست بتاع تجربة تلفزيونية  و حكالي إنو قرأ سيناريو الحلقة الأولى من 600 دقيقة مع إنو عارض انو يعطي البطولة لروبيرت دي نيرو و أصر إنو انا أمثل دور البطولة، و بعد مفاوضات طويلة مع شركات الإنتاج اللي دبحو بعض من بعد ما سمعو إسمي، مع انهم ما عجبوني بحكاية انو ياخدو جزء ولو صغير من بطولتي المطلقة بس الجمهور بحب يكون في اللمسه الأنثوية في الأفلام ، و مع انهم سابولي مطلق الإختيار انو أختار مين يمثل قدامي، كنت شوي محتار بين بينيلوبي كروز أو جيسيكا أولبا بس كان الإتجاه الأقوى مع بينيلوبي ( من باب العيش و الملح اللي بينا )، لكن أصريت انو يكون دورها محدود جدا، فالحج سبلبرج ( المخرج..المخرج..يا الله !! ) اقترح مشهد الصراحة كتير عجبني جتى لو كان برة السيناريو بتاعي :
عصابة محششين بجرو ورا بينيلوبي و الدنيا شتا ( غالبا التصوير رح يكون في عسقولة  )
ونا بظهر بغموض من ورا كنتين السجاير و بطب قتل بالعصابة الندلة
و طبيعي تلتقي النظرات بينا و هي مسكينا أول مرة تشوف جوز عيوني !!
و بتقرب من ببطئ  تحت المطر و بموسيقى رومنسية
و.......شريف...شريف...شريييييييييييييييييييييييييييييييييييييف
يسم بدنو شريف على اللي بنادي عليه...وقتو؟!!!
إصحى منتا نايم على ريموت الكنترول !!
أخخخخخخخخخخخخخخخخ !
أضافها Abu el Sharif, في كلام فاضي في 03:55 م, ,
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(17) تعليقات


أضف تعليقا

اضيف في 20 اكتوبر, 2006 11:31 م , من قبل anotherworld
من الأردن said:

hehehe
bjd d7ktne

اضيف في 21 اكتوبر, 2006 12:58 ص , من قبل ايمان
من فلسطين said:

شريف هو كل اللي انت كاتبو واقعي الا قصة الرموت كنترول يا زلمة حد بنام على الريموت!!!!!
مش داخلة مخي هههههههه
بعدين مش ملاقي الا ستيفن سلبيلبرغ!من اولها بدك تبيع الوطن!
لكل القراء الاعزاء الحلقة راح تبث على تلفزيون فلسطين يوم الاحد المقبل الساعة 2 ترقبوا براد بت قصدي شريف الشريف
والا اقلكم مهو بشبهو فممكن كتير تلخبطو معلش :)

اضيف في 21 اكتوبر, 2006 12:51 م , من قبل saloom
من فلسطين said:

والله يا ابو الشريف الدنيا فرص ممكن تجيك فرصة تصير.... بس كون واثق انو برضو رح يكون بالمنام بس ما تبقى تنام على الريموت بلا ينكسر وابو محمد يزعل .....(الصلام عليكم)

اضيف في 21 اكتوبر, 2006 03:48 م , من قبل vagueraz1
من الأردن said:

lol .... la 7lweh ,,,, sho 7abeb tseer mashhoooor ????
www.vagueraz1.jeeran.com/razan

اضيف في 22 اكتوبر, 2006 12:25 م , من قبل حامل المسك
من سوريا said:

لم اتي للتعليق على جمال قلمكم
بل اتيت لااقول
انتم الخير لكل عام
كونوا بخير

اضيف في 22 اكتوبر, 2006 07:03 م , من قبل Abed Hamdan
من الأردن said:

يالله مليح, لازم تبدأ تكتب قصة حياتك عشان تنشرها بعد الشهرة :)

اضيف في 22 اكتوبر, 2006 11:55 م , من قبل sharifo
من فلسطين said:

Another world
طب منيح انو ضحكتك...هلا بيكي
ايمان
أول مرة تشوفي حدا بنام على الريموت الكنترول...موبايلي اجاه شلل أطفال مني...عن الحلقة زي ما حكيتي..بينت يادوب 10 ثواني و اللي بين منهم افاي !
Saloom
ماشي...كلو الا زعل أحلى أبو محمد
و عليييييييكم الصلام
رزان
مين مش حابب يكون مشهور..؟
حامل المسك
حبيبي يا حااااااااااااج !
عبد
مين حكالك اني ما بكتبها...صدر منها 3 أعداد لهلأ بس الرقابة منعت نشرهم...قال ايش فوق مستوى القراء !!



اضيف في 23 اكتوبر, 2006 03:04 ص , من قبل عاشق الجمال / ياسر
من الأردن said:

شريف

كل عام وأنت بخير

ودمت بخير
خليك صاحي دايما أحسن

اضيف في 23 اكتوبر, 2006 01:34 م , من قبل Dar
من الأردن said:

Ok that was funny :)

CheeerZ!

اضيف في 23 اكتوبر, 2006 02:31 م , من قبل 7ala said:

هاهاهاها ما أزكاك يا شريفو ، جد ضحكتني ...

الله يحققلك كل اللي بدك اياه اذا كان فيه خير لالك .

كل سنه و انت سالم يا حلو :)

اضيف في 23 اكتوبر, 2006 07:21 م , من قبل sharifo
من فلسطين said:

ياسر باشا
ونتا بالصحة و العافية...بس ليش بدكاش اياني أحلم..اذا بطلع معي شغل نضيف زي هادا ؟
دار
Thanks..Glad you like it !
حلا
تسلميلي يا أحلا حلا بالمنطقة
الله يحققلك كل اللي بدك اياه اذا كان فيه خير لالك....طب هي الأشياء اللي بتمناها تتحقق و بعيد بناقش شغلى اذا كان فيها خير ولا لأ....بس تتحقق بالأول

اضيف في 23 اكتوبر, 2006 10:34 م , من قبل Danah
من الأردن said:

LOL .. so .. you had to wake up and face reality again ;) .. that was funny ..
Just wanted to pass by and wish you a happy Eid with Many returns inshallah :) allah yhaddi elbal 3endkom , o inshallah elsaneh eljaieh betkoon elawda3 a7san ..

اضيف في 23 اكتوبر, 2006 10:36 م , من قبل Danah
من الأردن said:

I've just seen the update on this post and you tagging me 7ala :) .. Thank you ! I've been taged by Qwaider though on same subject before :) .. wanted to wish you Happu eid o yen3ad 3aleeku o 3ala ahlek belse77a weslsalameh nshallah :)

اضيف في 24 اكتوبر, 2006 01:29 ص , من قبل sharifo
من فلسطين said:

Dana
thanks for passing by, sometimes dreams are the bset way to live, we ed3ele el sana el jay akoon barra kol el awda3..2olo ameeen

اضيف في 24 اكتوبر, 2006 05:58 م , من قبل mawaweel
من فلسطين said:

ما حكيتلي أخوي, هي الصورة وين بالضبط بغزة, رفح مثلا ؟!

اضيف في 25 اكتوبر, 2006 01:02 م , من قبل sharifo
من فلسطين said:

الحج مواويل مول مول
لا والله هادي في مينا غزة..شكلك من غزة ؟

اضيف في 25 اكتوبر, 2006 11:14 م , من قبل mawaweel
من فلسطين said:

يقطعني أنا, نسيت انه هي المينا وإني كنت اليوم موجود كمان هناك خلال محاولة للتسلل لمدينة روما,


أنا من غزة نعم, ومدونتي أجنبية مش على جيران, تفضل عنا .



أضف تعليقا

<<الصفحة الرئيسية