وربما تحدث...

ولكن بالتأكيد تحمل توقيعهم...

السنافر !!

هبل يهبلك..السنافر ؟؟

         

في زمان ما...كانت هناك قرية السنافر، دايما كنا نضرب المثل قديش هما سعيدين و مبسوطين و هما مثال للبرائة..حتى شرشبيل و هرهور قد ما كانو زنخين كنت احبهم...

لكن تغير الحال, هرهور دهستو شحن زبالة..و شرشبيل كبر بالسن و خرف و ولادو عملو عليه حجر عشان ياخدو بيتو و هو لسة عايش بهلوسات:  ( سأقبض عليكم حتى لو كان اخر عمل اقوم به في حياتي..نواهاهاهاها !! )

لكن السنافر شو صار فيهم بعد ما احنا كبرنا...والصغار صار بدهم رسوم كلها اكشن و برك دم ؟؟

اخر الاخبار اللي وصلتني...انو بعد وفاة بابا سنفور بظروف غامضة...صار في زعزعة بالصف السنفوري و النفوس بطلت صافية، سنفورة بطل الها مكان بعد اللي كان حايشها من السنافر مات، فاختفت هي التانية بظروف غامضة، و اللي كان يتفرج على السنافر ممكن يحكي انو الجو خللي هلأ لتنين من السنافر عشان يصيرو بابا سنفور الجديد...صح سنفور شاطر و سنفور قوي.

الموقع : مجلس السنافر الأعلى

كل السنافر مجتمعين و التوتر هو سيد الموقف، في انقسام حاد بين السنافر على موضوع قيادة القرية...

بتبدا الجلسة و طبيعي سنفور مفكر بنط ..و بذكر السنافر انو لازم يمشو على خطى بابا سنفور و زي دايما كانت النتيجة انو يرموه بره !!

و بعد مفاوضات طلع الطرفين انو فيه واحد لازم يتنازل للتاني، و طبيعي بما انو في سنافر بالقرية "دسايس" و بعطي مثال سنفور غضبان اللي كان محمل الدنيا جميلة عشان سنفور و لو بطلعو يحطوه بالكبتن ماجد ما قصر..المهم...

السيناريو الطبيعي انو تاني يوم مناوشات بين السنافر اتطورت لضرب بالأيدي بعد ما سنفور مزع حساء السنافر بوجه التاني، كل قرية السنافر شبرين و ما حدا طيق التاني...سنفور مفكر بحاول يعمل هدنة مع الطرفين و لكن طبيعي انو ينحلقلو و يعطوه شلوط محترم لبرة القرية...سنفور غضبان لسة بولع النفوس و ما حدا داري عنو...السنافر بتصارعوا على الحكم...

بووووم...قنابل سنفورية بتولع بالقرية

بوووووم...سنفور مفكر اكل كمان شلوط

بوووووم...مرارة احد القراء فقعت من الكلام الفاضي المكتوب

و هيك سيداتي سادتي...بنهي قصة السنافر اللي كنا في يوم من الأيام حبيناهم...

ما بعرف انا ليش كتبت الكلام هادا الصراحة، يمكن بذكرني بإشي و نفسي حدا ياخد عبرة

ايييييييييه...

لو كان في عبرة !!!